Europa League Round of 16 khelh zawh a ni a, a tha zual pariatte hriat ni tawhin, English club pahnih Chelsea leh Arsenal-te pawh an tel.
Chelsea chuan first leg a 3-0 a an hneh hnu Dynamo Kyiv chu NSC Olimpiyskiy-ah luhkhungin, khual mualah London club hi an tlangnel hle a, si nga faiin an chak. Chelsea hian aggregate-ah Dynamo Kyiv hi 8-0 laiin an hneha, a tha pariat zingah an in pet tling.
Chelsea tan hian French forward Olivier Giroud chuan hattrick a siam a, ani bakah hian Marcos Alonso leh Callum Hudson-Odoi te chuan goal khat ve ve an khung bawk.
Dynamo Kyiv 0-5 Chelsea (agg 0-8)
(Giroud 5’, 33’, 59’, Alonso 45+1’, Hudson-Odoi 78’)
PLAYER RATINGS:
Dynamo Kiev: Bokyo 6, Kedziora 5, Burda 5, Kadar 5, Mykolenko 5, Sydorchuk 5, Shepeliev 4, Tsygankov 4, Shaparenko 5, Sidcley 5, Garmash 4. subs: Tche Tche 6, Smirniy N/A, Andriyevskiy N/A.
Chelsea: Kepa 6, Zappacosta 6, Christensen 6, Rudiger 6, Alonso 8, Kante 7, Kovacic 6, Loftus-Cheek 7, Hudson-Odoi 7, Giroud 9, Willian 7. subs: Jorginho 6, Azpilicueta 6, Pedro 6.
London club dang Arsenal chuan first leg-a 3-1 a an hneh loh hnu Rennes chu Emirates Stadium-ah lo mikhualin, Arsenal hi si thum faiin an chaka, Rennes lehthalin Quarter-final an lut.
Arsenal tan hian Pierre-Emerick Aubameyang chuan goal hnih a khung bakah Ainsley Maitland-Niles chuan goal khat a khung ve bawk.
Arsenal 3-0 Rennes (agg 4-3)
(Aubameyang 5’, 72’, Maitland-Niles 15’)
PLAYER RATINGS
Arsenal: Cech 6, Maitland-Niles 6, Mustafi 6, Koscielny 6, Monreal 6, Kolasinac 7, Xhaka 6, Ramsey 7, Ozil 6, Lacazette 7, Aubameyang 8..subs: Mkhitaryan 7, Torreira 6, Iwobi 7.
Rennes: Koubek 6, Traore 6, Da Silva 6, Mexer 6, Bensebaini 6, Andre 5, Grenier 5, Bourigeaud 5, Sarr 6, Ben Arfa 5, Niang 6..subs: Siliki 6.
Europa League inkhel dangah Napoli an tlang hrama, Red Bull lakah 3-1 in tlawm mahse, first leg-a si thum faia an lo chak tawh chhawr tangkaiin aggregate-ah 4-3 in an chak. Krasnodar leh Valencia-te chu 1-1 a inhnehtawkin, first leg-ah Valencia hi 2-1 a an lo chak tawh avangin aggregate-ah 3-2 in an tlang.
Portuguese club Benfica chuan first leg-a si khat faia an hneh loh Dinamo Zagreb chu second leg-ah si thum faia hnehin Quarter-final an luta, Slavia Praha chuan Sevilla chu 4-3 a hnehin, aggregate-ah Slavia Praha hi 6-5 in an chak bawk.
Beiseiawm ber zinga mi Inter Milan chuan Quarter-final an lut zo lova, first leg-a goal awm lova an lo inhnehtawkpui tawh Eintracht Frankfurt chu San Siro-ah si khat faia an hneh loh avangin an tla. La Liga club Villarreal chuan Quarter-final lut ve bawkin, anni hian 2-1 in Zenit an hneha, aggregate-ah Villarreal hi 5-2 in an chak a ni.