Tuna England head-coach ni mek Gareth Southgate chu Manchester United chuan kumin Euro khelh zawhah hian an manager atan rawih an tum niin English chanchinbu te chuan an tarlang.

United hi duh angin che tha lo mahse United hotu te chuan an manager Ole Gunnar Solskjaer chu an la thlawp viau thu tarlan lo ni tawh mahse tun season chhungin an result hian that lam a pan a nih loh chuan United hian an manager hi nipuia ban maia, Southgate rawih chu an rilruk nia tarlan a ni.

Southgate hian beisei phak bakin England a kaihhruai a tih theiha, kum 2018 FIFA World Cup-ah pawh khan England chu semi-final thlen puiin, kumina khelh tur Euro-ah pawh Southgate leh a naute lakah hian beisei a sang hle.

United hi competition hrang hranga an game hnuhnung parasihah vawi hnih chiah hnehna an chang theia, United hotu te chuan Solskjaer chu ban mai tum rih lo mahse Euro zawhah erawh Solskjaer-a dinhmun hi a derthawng viau tawh tura ngaih a ni a, an che tha te a nih loh chuan Norwegian manager hi ban a ni mai lovang tih a sawi theih loh.

Southgate hian United training ground chu England boss a nihna angin a tlawh fo va, United-a English player te a thlithlai mai bakah hian United-in an player naupang te an enkawl dan avang chuan United chu a ngaisang zual hle nia sawi a ni.

Southgate hi England coach anga a dinhmun hi a tha viaua, Euro-ah an che tha zui ngat a nih phei chuan United hian Southgate hi an la lut thei ang em tih chu zawhna lian tak a ni.