​Euro 2016 qualfying play-off Round up

15th November 2015, 09:11PM

Ram 8 te chuan Euro 2016 khelh tumin playoff an khel mek a, nizan khan match hnih awmin, Ukraine leh Sweden te chuan an khingpui ve ve an hneh.

Ukraine dinhmun a chhe lo hle mai, si hnih faiin Slovenia an hneh a, 22nd mins-a Yarmolenko goal leh 54th mins-a Seleznyov goal te chu Ukraine chakna a ni. Thawhleh zanah Slovenia home-ah an khel ve leh ang.

Sweden chuan 2-1 in Denmark an hneh a, Forsberg chuan 45th mins-ah Sweden hma a hruaipui, 50th mins-ah penalty atangin Zlatan Ibrahimovic chuan Sweden goal hnihna a khung a, hun tawp dawn minute 10 la awmin Jørgensen chuan Denmark tan goal khat a khung ve hlauh a, he goal hi thawhleh zana an inkhelh leh hunah a tangkai hle maithei a ni.

Ningani khan Hungary chuan si khat faiin Norway an hneh a, zanin hian Hungary khelmualah return leg an khel dawn. Zirtawp zanah Bosnia-Herzegovina leh Republic of Ireland te 1-1 in an inhnehtawk a, thawhtan zan hian Republic of Ireland mualah an khel ve leh anga, tute nge lut zawk kan hre thei tawh dawn a ni.

Copyright © inkhel.com 2024. All rights reserved.