Khawvel Football League- lian leh hlun awmkhawmna, Europe Khawmualpui zinga League ropui ber tia chhal tur chuan Champions League leh Europa lama English Club te hlawhtlin tawhna hian a phu kher lo ang. Mahse heti taka Football Khawvel a chiah hneh chhan hi engvang nge ni ang? An Game a rorum vang leh British Media lampang vang pawh a ni mahna! Mizo zingah ngat phei chuan English Club lian sawi Hot- pui tur leh sawichhe peih hi thler tinah kan awm a. Kan Time Zone a inmil vangin kan en tam a, Kan tualchhung chanchinbu lianah pawh English Club leh Player ten hmun lailum an chang zel a nih hi.
Heti khawpa kan ngaihven English Premier League Record hi Website hrang hrangah chhiar tur pawh a tam khawp mai. Mahse Mizo tawng ngeia dahthat ve ka duh vangin kan thai kawi ve zuai ang e. Hetih lai hian English Premier League an tan hma in Liverpool hian Vawi 18-zet English Title an chawi tawh tih hriat tel a tha awm e.
1992–1993 FA PREMIER LEAGUE
English Premier League Season hmasa ber hi 15 August 1992 leh11 May 1993 inkara khelh a ni. Club hrang hrang 22 ten English Premier League Champion hmasa ber nih an inchuh a, a tawpah Manchester United chuan EPL Title chu Point 10 zeta Aston Villa an lehpelh hnuah an chawi ta a ni. He season-ah hian Goal 1222 zet a lut a, Teddy Sheringham (Tottenham & Nottingham Forest)Goal 22 thuntu chu Top Scorer a ni. Professional Footballers' Association (PFA) chuan Aston Villa Central Defender Paul McGrath chu Player of the Year-ah an thlang a.
Tun thlenga kan la hmuh Manchester United Winger Ryan Giggs chu Young Player of the Year-ah an thlang ve bawk. Football Writers' Association (the FWA)lam chuan Sheffield Wedesday player Chris Waddle chu Footballer of the Year-ah an thlang ve thung. Season a tawp meuh chuan CrystalPalace, Middlesbrough,Nottingham Forestte chuan Division hnuai lamah an chhuk ta a ni. Seasontluana Average Attendance chu 21,126 a ni a. Goal hi match khatah vawi 2.65 vel a chawhrualin a lut a ni. Inhnehna nasat ber tum chuBlackburn Rovers in an khelmualah Norwich City an hneh kha a ni a. Hat-tric hi vawi14 zet siam a ni bawk. Club hrang hrang Kit Manufacturer-ah hian Umbro chu an lar fal hle a ni.
Season tan hma Transfer Window inhawn chhung hian Players Tranfer an awm nual a, Chung zinga langsar ber chu Manchester United in Division hniam lam pan ta Nottingham Forest player Roy Keane £3.75 million-a an lei kha a ni. Hetih lai hian Roy Keane hi Kum 22 mi chauh a la ni nghe nghe. Blackburn Rovers-in Southamton Keeper Tim Flowers £2.50 million-a an lei chhuah pawh khan English Football History-a Keeper man to ber nihna a hauh ve bawk. Division hniam lam atangin Newcastle United, Swindon Town, West Ham United ten English Premier League an rawn zawm ve ta. ( www.inkhel.com)
1993–1994 FA PREMIER LEAGUE
He Season-ah hian Manchester United chuan a vawi 2 nan FA CUP nen English Premier League Title chu an chawi leh a. Blackburn Rovers chuan an dawt a ni. Mimal chawimawina dawngtute chu : PFA Players' Player of the Year ah Goal 25 zet Manchester United tana Goal thuntu Eric Cantona. PFA Young Player of the Year-ah hian English Premier League Top Scorer nihna hauh thei khawpa rawlthar ( www.inkhel.com) Talent nei tha Andy Cole chu an thlang a, Newcastle United rawlthar hian Goal 34 zet a thun a ni.
Football Writers' Association lam chuan Footballer of the Year-ah Blackburn Rovers tana Goal 31 thuntu leh dinhmun sang ber dawt thlenpuitu Alan Shearer chu an thlang ve thung a ni. Alex Ferguson chu FA Premier League Manager of the Year-ah an thlang ve bawk. (Sir Alex ala ni rih lo tlat..) Season tawp rual hian Oldham Athletic, Sheffield United, Swindon Town te chu Division hniam lam khel turin an relegate ve leh ta bawk a ni.
1994–1995 FA PREMIER LEAGUE
He Season hi Blackburn Rovers tan chuan theihnghilh phal chi a ni tawh hauh lo ang le. Eric Cantona tan erawh kum chhia a ni thung, Selhurst Park-ah a che bawnra a, Crystal Palace Fans nen buainaan nei a nih kha. Thla 8 zet Football khel thei lo tura hrem a nih bakah £20,000 lai chawitir a ni a, Ni 14 chhung Jail bang a zut bawk.
Crystal Palace, Leicester City, Nottingham Forest te chu English Premier Club thar an ni. Transfer Window chhung in English Transfer Fee Record Vawi 2 lai Break a ni a. Blackburn Rovers chuan Chris Sutton chu £5 million-in Norwich atang an lei chhuak a, Hei hian English Transfer Record chu a break chiang hle. Mahse January Transfer laia Andy Cole in Newcastle United atang Manchester United a pan dawn a, a man £6 million khan a khum chiang hle a ni. (www.inkhel.com) Transfer Fee lian tham dangte chu : Vinny Samways (Tottenham to Everton, £2 million), David Rocastle (Manchester City to Chelsea, £1.25 million), Jürgen Klinsmann (Monaco to Tottenham, £2 million), John Scales (Wimbledon to Liverpool, £3 million) and Paul Kitson (Derby County to Newcastle United, £2.2 million) te an ni.
1994-1995 Season ah hian Blackburn Rovers chuan Manchester United chu Point 1 a lehpelin an Championa, English Premier League Title an chawi vawi 1-na leh awm chhun a ni nghe nghe. Club 4 - Crystal Palace, Ipswich Town, Leicester City,Norwich City te chuan Division hniam lamah an chhuk a, hei hi a chhan chu 1995-1996-ah Club 20 ten EPL khel tawh tura ruahman vang a ni.Mimal chawimawina hrang hrang dawngtute chu;
⦁PFA Players' Player of the Year -Alan Shearer (Blackburn)
⦁PFA Young Player of the Year -Robbie Fowler (Liverpool)
⦁Football Writers' Association Footballer of the Year - Jürgen Klinsmann (Tottenham)
⦁FA Premier League Manager of the Year -Kenny Dalglish(Blackburn)
⦁Top Scorer – Alan Shearer (Blackburn) 34 Goals
1995–1996 FA PREMIER LEAGUE
Thla Sawm 12 chhungavawi 3- English Tranfer Record break nan Liverpool chuan Stan Coolymore chu Nottingham Forest atangin £8.4 million-in an an la lut a. (www.inkhel.com)Tin, Arsenal chuan ‘Dutch Dynamo’ – Dennis Bergkamp chu Inter Milan atang£7.5 million-in an la lut ve bawk. Newcastle pawn QPR atang Les Ferdinand chu £6 million sengin an la lut ve bawk.
English Premier League hi Club 20 chauhin an khel tawk a. Season liam ta a Relegate Club 4 te hmun awl luah turin First Division Club 2 - Bolton Wanderers, Middlesbrough te chu an rawn kaisang a ni. Goal 988 zet luhna 1995-1996 Season-ah hian Manchester United chuan English League Title vawi-3 an chawina ni turin an champion leh a, Newcastle leh Liverpool ten an dawt a ni. Alan Shearer pawnBlackburn Rovers tan Goal 31 thunin Top Scorer dinhmun a hauh nawn leh a ni.Liverpool Player Steve McManaman chuan a thiante Goal thun tur vawi 25 zet a siam sak ve bawk.Mimal chawimawina hrang hrang dawngtute:
⦁PFA Players' Player of the Year - Les Ferdinand (Newcastle United)
⦁PFA Young Player of the Year -Liverpool striker Kum 21 mi Robbie Fowler chuan a vawi 2 nan a dawng.
⦁Football Writers' Association Footballer of the Year - Eric Cantona.
⦁FA Premier League Manager of the Year - Alex Ferguson of Manchester United.
Bolton Wanderers, Manchester City lehQueens Park Rangers te chu Division hniam lamah an chhuk a ni. He Season-ah hian English Club ten European Competition lamah thil ropui an hnutchhiah lo. Kum leha an chetchhiat ber Season a ni hial awm e. 1994-1995 Season EPL Champion Blackburn Rovers chuan Champions League Group Stage an paltlang zo lo a, Manchester United, Leeds United leh Liverpool te pawh UEFA Cup First Round-ah an tla bawk.
1996–1997 FA PREMIER LEAGUE
Derby County,Leicester City,Sunderland te chu Premier League khel turin Division hniam lam atangin an rawn chho a, Sunderland erawh Season zawh rualin Division hniam lamah Middlesbrough leh Nottingham Forest te nen an chhuk leh nghal. Middlebrough tlak chhan hi Point 3 an paih sak vang a ni a, (www.inkhel.com) hei hi a chhan chu an Players 23 zet an inhliam vangin Balckburn Rovers nen December 1996 a an khel tur an cancel ve ngawt vang a ni. Coventry City erawh an him phah hlauh thung.
Manchester United chuan a Vawi-4 English Premier League title chu an la leh a, Point 75 lai an hmu a ni. Balckburn Rovers atanga £15 million zeta Alan Shearer laluttu Newcastle United chuan point 68 hmuin an dawt a ni. Arsenal leh Liverpool pawn Point 68 bawk hmuin 3-na leh 4-na din hmun an hauh ve bawk. Goal 970 lutin Alan Shearer chuan a Club thar Newcastle tan Goal 25 a thun a, Goal thun tam ber a ni leh a ni. Arsenal player Ian Wright pawn Goal 23 a thun ve bawk. Newcastle United in Tottenham Hotspurs 7-1 laia an hnehna chu inhnehna nasat ber tum a ni bawk.Season tluanin inkhel entu mipui chawhrual chu mi 28,471 lai an tling. Mimal chawimawina hrang hrang dawngtute chu:
⦁PFA Players' Player of the Year -Alan Shearer of Newcastle.
⦁PFA Young Player of the Year- David Beckham of Manchester United.
⦁Football Writers' Association Footballer of the Year-Gianfranco Zola of Chelsea.
⦁FA Premier League Manager of the Year - Alex Ferguson of Manchester United.
1997–1998 FA PREMIER LEAGUE
Barnsley, Bolton Wanderers leh Crystal Palace te chu Division hniam lam atangin an rawn chho a. An vain an relegate leh nghal vek a ni. Arsenal chuan Laipui vawi-68 an kap puak a, Point 78 hmuin an Champion. English Premier League Title Vawi 1 an chawina leh English title Vawi-11 an lakna a ni. Manchester United, Liverpool leh Chelsea ten an dawt a ni. Tun thlenga EPL Big four-ah heng Club 4 kan sawi ziah chhan hi 1997-1998 Season atang hian a nih hmel.
He Season-ah hian Goal 1019 lai a lut a, Goal thun tam berin Goal 18 an thun a, Goal 18 thun thei Players te chu : Dion Dublin (Coventry City), Michael Owen (Liverpool) leh Chris Sutton (Balckburn Rovers) te an ni. Inkhel entu mipui hi chawhrualin 29,212 an pung khawm ziah thin a, (www.inkhel.com) Manchester United-in Old Trafford-a Barnsley 7-0 ngawta an sawp kha inhnehna a nasat ber tum a ni. Mimal chawimawina dawngtute:
⦁ PFA Players' Player of the Year lehFootball Writers' Association Footballer of the Year -Dennis Bergkamp of Arsenal. ( PFA leh FWA chawimawina dawng kawp hmasa ber)
⦁PFA Young Player of the Year - Michael Owen of Liverpool.
⦁FA Premier League Manager of the Year -Arsène Wenger of Arsenal
Chhunzawm zel tur
Written by Solomon Parte