23 May 2015 05:56

digimalt

​English club dang ka la enkawl leh ang - Mourinho

2014-15 Premier League champions Chelsea boss Jose Mourinho chuan engtikah emaw chuan Chelsea ni lo English Club dang a la enkawl a rin thu Football Focus a hrilh.

Tun dinhmunah erawh kum 52 mi, Premier League-a manager tha bera an thlan hian Chelsea chhuahsan a tum loh thu a sawi chiang a,"Engtikah emaw chuan club dang enkawl turin ka la chhuah a ngai ang. England-ah bawk a nih ka ring. Tun dinhmunah erawh hi chuan Chelsea chhuahsan tumna ka nei lo.Mr Abramovichhian min duh chhung chu Chelsea-ah ka cham ang, ka that tawk loh hnuah erawh ka chhuah a la ngai ngei ang. Chelsea hi ka hmangaih a, ka awmdan tur chu Mr Abramovich kutah a innghat a ni," tiin a sawi.

September 2007 khan Mourinho hian Chelsea a chhuahsan a,  Inter Milan a zawm, Champions League, League cup leh Serie A champion a nihpui. Hemi hnuah Real Madrid a zawm a, kum thum Spain-a a cham chhungin Real Madrid chu domestic cup leh La Liga title a lak pui a. Premier League-ah Chelsea tan kir lehin, kum hnih hun a hman hnuah a champion pui leh ta a, league cup pawh kumin hian a la chhunzawm bawk a.

Chelsea-in Premier League vawi 4 an chawi ta a, a hnuaiah hian vawi thum ngawt Chelsea-in Premier League an chawi ta a ni. Mourinho hian Chelsea-a a theih chhung chu cham a duh thu a sawi a, club dangin tuna a hlawh let thawk pawh hlawh turin sawm mahse Chelsea a chhuahsan loh tur thu a sawi chiang bawk a ni.