16 Nov 2015 06:15

Inkhel

Mizo Sports Website hmasa ber

​England vs France Friendly match neih a ni tho dawn

Thawhlehni hian Wembley Stadium-ah England leh France te chuan International friendly match neih an tum tlang ta. Zirtawp zana Paris-a thil thleng avang khan he match hi thulh a ni teuh hle a, mahse Football Association te pahnih chuan an thulh dawn lo tih an puang chiang ta.

French midfielder Lassana Diarra chuan kha misualte pawi khawihnaah khan a cousin a chan a, chuti chung chuan England lam a pan dawn ta tho a ni. Antoine Griezmann-a farnu pawh Paris-a Eagles of Death Metal concert a en nia report a ni bawk a, khami hmun chiah kha misual ten an bei bawk a nih kha, mahse ani erawh a him hlauh a ni.

French Football Federation chuan an squad-a player fit zawng zawngte chuan England an pan tur thu an puang chiang tawh a, France hian Stade de France-a Germany nen friendly match an neih tum khan si hnih faiin hnehna an chang a, England erawh Spain lakah si hnih faiin an tlawm thung a ni.

Carrick a inhliam avangin Roy Hodgson chuan kum 22 mi Manchester United forward Jesse Lingard chu England senior team-ah a vawi khat nan a ko a, Vardy pawh a inhliam bawk a, ani aiah hian Hodgson hian tunge a koh dawn a la hriat loh a ni.