Tottenham midfielder James Maddison chuan Euro 24 a khel ve thei dawn ta lo. England coach Gareth Southgate chuan Spurs midfielder hi a thlauhthla ta.

Kum 27 mi hi England provisional squad mi 33 awmnaah khan a tel ve a, mahse Germany a pan ve dawn ta lo a ni.

Euro-ah hian squad mi 26 an ni tur a ni a, hei vang hian Southagate pawhin player 7 chu June ni 7 hma ngeia a hnawl a ngai dawn.

England-in friendly match-a si thum faia Bosnia and Herzegovina an hneh tum khan Maddison hi a inlan ve a, minute 30 vel chu a khel ve.

Leicester City midfielder hlui hi kum 2022 World Cup squad-ah khan koh a ni a, mahse World Cup game khat pawh a khel lo.

Maddison hian kum 2023 March ni 26 khan Ukraine hmachhawnin, England tan a vawi khatnan a inlan.

2023-24 Premier League-ah khan Ange Postecoglou hnuaiah Maddison hian game 28 a khel, Spurs tan season bul tan tha viau mah se, November thla atang khan hliam avangin thla 3 a chawl.

June ni 7 hmain England chuan an squad an tifel dawn a, heti hian an inchhawk chho zel dawn niin a lang.