England chuan player an chan belh zel a, player eng emaw zat an inhnuhdawh hnuah Sunday liamta khan an full-back Kieran Trippier chu a inhnukdawk ve leh.

Newcastle United player hi mimal thil avangin England squad atangin a inhnukdawk a, North Macedonia lakah a inlan thei dawn lo a ni.

England hian zanin zan lai hian Euro 2024 qualifier-a an game hnuhnung berah North Macedonia an tlawh dawn a, Newcastle chuan an defender Trippier hi England-ah a kir tawh thu an puang.

England hi Euro 2024 qualifier-ah hian Group C-ah an awm a, North Macedonia lakah hian eng result pawh nei se Group C winner an ni chiang tawh a, nakkum Euro an khel dawn chiang tawh a ni.

Zirtawpni khan England hian Malta chu si hnih faiin an hneh a, he inkhelah hian Trippier hi a inkhel tluan a, a inhliam loh avangin Newcastle in tun kar Inrinnia Chelsea an hmachhawn hunah a inkhelh theih a rinawm.

England hian khelh 7-ah vawi 6 hnehna changin vawi 1 draw an nei a, point 19 neiin, anmahni hnaih bertu Italy nen point 6 in an inthlau a ni.