15 Jan 2020 12:05

bakteaJr.

Mizo tlangval

​England Player of the Year-ah Henderson an thlang

Liverpool captain Jordan Henderson chu kum 2019 England Men’s Player of the Year atana thlan a ni a, hmeichhe lamah Lyon defender Lucy Bronze chu England Women’s Player of the Year atana thlan a ni ve bawk.

Player pahnihte hian season liamta khan UEFA Champions League nomawi an chawi ve ve a, Henderson hian he chawimawina hi a vawi khat dawnna niin Bronze erawh hi chuan he chawimawina hi kum 2015 khan a lo dawng tawh a ni.

He chawimawina dawng tur hian Henderson chuan Raheem Sterling leh Harry Kane-te a hmakhalh a, Sterling hi pahnihna niin Kane hi pathumna a ni thung.

Henderson hian kum 2019 chhungin England tan game 7 a khela, UEFA Nations League-a England pathumna an nihna theihna kawngah an player pawimawh tak a ni bawk.

Henderson hian nikum chhung khan Liverpool chu England ram pawna trophy lian ber ber a lakpui veka, Champions League nomawi a chawipui bakah UEFA Super Cup leh FIFA Club World Cup-ah te Liverpool hi a champion pui.

Kum 28 mi Bronze hian he chawimawina dawng tur hian nikum lama he chawimawina lo dawng tawh Ellen White leh Beth Mead-te a hmakhalha, White hi pahnihna niin Mead hi pathumna a ni.

Bronze hian England tan game 81 lai a khel tawha, 2019 FIFA World Cup khan Engaldn chuan semi-fianl thlengin Bronze hi tlar hnung lama an player pawimawh tak niin Nikum chhung khan England chuan game 20 khelin heng zinga game 18-ah Bronze hi a inlan a ni.