Women's World Cup khelh mekah England chuan a vawikhatna atan semi-final an lut ta.

England hmeichhe team hian he tournament thlengtu Canada chu 2-1 a hneh in semi-final an lut ta a, Engalnd chakna goal hi Bronze-i thun a ni.

Chakna goal thuntu Bronze-i hian semi-final a an hmachhawn tur Japan chungchang sawiin, "Japan hi champion tur a rinkai ber an ni a, mahse inrintawkna sang tak kan neih avangin an lakah hnehna kan chan theih kan in ring em em a ni" tiin a sawi.

Semi-final an luh tak avang hian England captain hlui David Beckham-a pawha lawm hle a, tun a England captain Rooney pawhin England hmeichhe team hi a lawmpui thu a sawi bawk a ni.

England hmeichhe team hian semi-final ah hnehna chang in Final an luh chuan kum 1966 hnu a England team mipa emaw hmeichhia in World Cup Final an luh leh hmasakber tum a ni ang.