Hmeichhe World Cup khelh mekah England chu Japan lakah an tlawm a, final an thleng zo ta lo.

He inkhelah hian hun pangaiah 1-1 a an inhnehtawk reng hnuah hun tawp dawn min 90 pelh tawh hnu in Bassett chuan anmahni lamah a ti lut palh hlauh a, Japan in final an luh phah ta a ni.

A vawikhatna atan hmeichhe World Cup a semi-final lut England hian inkhel tan tirh lamah goal thun theihna hun tha tak tak an nei a, mahse an chhawr tangkai theilo.

Japan zawkin goal an thun hmasa ta a, penalty hmangin min 32-na ah Miyama chuan goal a rawn thun a, min 8 vel lek a ral tih in England hmeichhe team tan Williamws chuan penalty atang vekin an siphurh a rawn sut.

Japan hian game thunun zawk mahse shot hrim hrim chu England in an ngah zawk a, goal dang a luh loh char char hnuah extra time khelh a ngai dawn ni a a lan laiin injury time ah Bassett a chesual ta a, anmahni lamah ti lut palh in Japan zawk chuan final an lut ta a ni.

Final hi Pathianni hian khelh a ni ang a, Japan leh USA ten champion tur an zawng dawn a, pathumna zawnna pawh a awm bawk ang a, England leh Germany te an inkhel ang.