27 Mar 2015 03:14

Inkhel

Mizo Sports Website hmasa ber

​England hlawhchham chhan Foreign player an ni lo - Sakho

West Ham striker Diafra Sakho chuan Football Association chairman Greg Dyke a chhang ve ta sak mai le.

FA chairman Greg Dyke chuan ram leh ram inelnaa England National Team hlawhtlin theih loh chhan chu English League-a ram dang player tam lutuk vang niin a sawi. Hei hi Senegal international Sakho chuan chhangin,

"Tu pawhin ngaihdan leh pawm dan kan nei vek ang. Hetia England team hlawhchham chhan Foreign player te tam vanga puh ringawt hi a dik thei lo. Chhuanlam mai a ni e. 1998 khan France chuan World cup an chawi, khatih lai khan French League-a khel tam zawk chu forigner an ni. Chutiang chiahin tunhnaia World Cup leh Euro champion Spain ram chhunga ram dang player an tam mai, Germany -ah pawh chutiang bawkin.

"Hetia player tha tak tak hmun dang atanga lo kal turte dan ringawt hi a tur a ni lo." tiin a sawi. Sakho hian hetianga English League in an tih chuan Africa atanga player tam takin an tawrh tur thu a sawi a. Tin, English Premier League chu khawvela league tha ber pakhat a nih avangin chu player naupang te te ten inkhelh an chakna hmun a nih thu a sawi bawk.