​England chakna Wilshere leh Rooney

15th June 2015, 05:06AM

England chuan Euro 2016 qualifiers -ah Slovenia an tlawh a, England hian 3-2 in hnehna an chang. He match-a England tana chakna goal khungtu chu captain Rooney ni mahse goal ropui pahnih khungtu Wilshere a ropui thlawt.

Slovenia 2-3 England

(Novakovic 37′ Pecnik 84′) (Wilshere 57′, 73′ Rooney 86′)

Slovenia : Handanovic, Brecko, Ilic, Cesar, Jokic, Ilicic (Birsa - 61' ), Mertelj, Kurtic (Lazarevic - 79' ), Kampl, Kirm (Pecnik - 72' ), Novakovic

England : Hart, Jones (Lallana - 45' ), Cahill, Smalling, Gibbs, Henderson, Wilshere, Delph (Clyne - 85' ), Townsend (Walcott - 74' ), Rooney, Sterling

Slovenia tan 37th mins-ah England defender-te mutthluk lai takin Novakovic chuan goal cool tak a khung a, free ball tha tak a hmuh chu Hart chauh a hmachhawn hnuah Novakovic hian leihrulah kil sir takah a pet goal ta. England hian nawr let tum viau mahse first half-a an khelh dan a zir lo, an che hleithei lo.

Hodgson chuan Jones lachhuakin Lallana a dah lut a, second half tan tir atangin England game a rawn mumal chho tan a. 57th mins-ah box pawn atangin Wilshere chuan kawh zetin England si phurh a rul, 73rd mins-ah England chuan counter attack mawi takin mual dinglam sir atangin an nei a.

Mual dinglam sir atanga ball tha tak chu Lallana chuan mawi taka lo kheng lehin, Wilshere chuan box pawn atangin top corner-ah chiang set sawtin a pet goal leh ta. 2-1 in England chuan hma hruai mahse 83rd mins-ah mual veilam sir atanga Bojan Jokic cross tha zet chu Nejc Pecnik chuan a tauh goal leh a, 2-2 in an inhnehtawk.

Draw game kan hmu mai tawh dawn emaw tih laiin England captain Rooney chuan box chhung atangin chiang set sawtin goal a khung ve leh ta a, 3-2 in England chuan hnehna an chang ta a, Group E-ah match 6 khel tawhin an khingpuite an la hneh vek a, an hnuai chiahah hian Switzerland an awm a, point 9 laiin an inthlau a ni.

Rooney hian ram tan goal 48 a khung ta a, Gary Lineker-a goal khung zat a khung ve ta chiah mai. England tana goal khung hnem ber ni mek chu Sir Bobby Charlton niin, goal 49 a khung a, Rooney hian Sir Bobby Charlton-a goal khumna chance tha tak a nei mek a ni.

1990-91 hnuah England chuan a vawi khat nan season khat chhung hneh loh nei lovin an kal tluang ta a, September ni 5-ah San Marino nen an inhmachhawn leh dawn a ni.

Match dang results :

EURO 2016 - Qualification:: group E June 14

FT Estonia 2 - 0 San Marino

FT Slovenia 2 - 3 England

EURO 2016 - Qualification:: group F June 13

FT Finland 0 - 1 Hungary

June 14

FT Faroe Islands 2 - 1 Greece

FT N.Ireland 0 - 0 Romania

EURO 2016 - Qualification:: group G

June 14

FT Liechtenstein 1 - 1 Moldova

FT Russia 0 - 1 Austria

Copyright © inkhel.com 2024. All rights reserved.