Kum 34 mi, English defender Roma tana khel mek chuan kum khat chiah AS Roma tan contract a nei tawh. Roma hotupa Rudi Garcia lakah a tla na tawh lo hle nia sawi a ni a, season tharah phei chuan first team a chang tlem tawh dawn hle nia sawi a nih laiin Newcastle chuan England lama koh hawn an tum mek.

Newcastle hian boss thar Steve McClaren an nei a, ani hian England defender hlui Cole hi Roma atanga lak kir a tum niin Star chuan a tarlang. An lei a nih loh pawhin loan emaw tala Cole hi St James' Park-a lakluh an tum dawn a ni.

McClaren chuan Middlesbrough-a a lo enkawl tawh dutch player Bolo Zenden chu coaching staff-a lak a tum tih chiang taka tarlan a ni tawh a, Zenden hian PSV Eindhoven reserve-team a enkawl mek a ni.

Photo Credit : Getty