Argentina National team-in ram tana feh chhuah turin ko mah se, Manchester United pan a duh avangin Emiliano Martinez chuan transfer deadline day-ah khan Aston Villa training ground-ah hun a hmang.

Kum 32 mi Martinez hian Manchester United pan a duh a, Argentina-a a team-mate te zawm lo chuan, United-in an biak hun Villa training ground atangin a lo nghak, mahse call a dawng ta lo niin The Athletic chuan a tarlang.

June thla leh July thla khan Martinez leh Ruben Amorim te chu an inbia, United head coach pawh hian World Cup no mawi chawi tawh Martinez hi a iai lo. Loan emawa inhawn tumin United chuan hma an la dawn nia report a ni.

Hetih lai hian hmalakna engmah a awm ta si lo a, Emi Martinez chu Aston Villa-ah a cham chhunzawm dawn ta a, United chuan kum 23 mi Belgian goalkeeper Senne Lammens an lei ta zawk a ni.

Transfer deadline day-ah khan Manchester United chuan Royal Antwerp atangin €21million (£18.2m) an lei a, hetah hian add-ons €4m a tel nghe nghe.

Kum 23 mi hian Old Trafford-ah kum 5 daih contract a ziak a, transfer bazar khar a nih dawnah an in la lut fel ta a ni.

Martinez hi Manchester United chuan loan emaw bakin an la ngam dawn lo a, a hlawh a tam a, Andre Onana ai pawhin a hlawh hnem zawk a, Villa chuan transfer fee-ah £30million aia hniam lo an phut bawk. Heng te a nih avang hian United pawhin ngaihven mah se, an buaipui tak tak ta lo a ni.