Electric Veng-in final an khel dawn

11th December 2019, 05:12AM

Mizoram Premier League (MPL) Season 8 Semifinal first leg-ah Chhinga Veng FC leh Electric Veng FC te goal lut awmlo in an inhneh tawk a, December ni 10, Thawhlehni zan RG Stadium, Mualpuiah second leg khelh a ni a, hunpangngaiah 1-1 a an inhneh tawk hnuah penalty Shootout-in chak zawk zawn a ni a, Electric Veng FC chuan 5-4 a hnehna chang final an lut ta a ni. He inkhelah hian Electric Veng FC goalkeeper Lalmuansanga chu Man of the Match-ah thlan a ni.

07:30 PM Electric Veng FC 1-1 Chhinga Veng FC

(Ramhlunchhunga 4') (MC Malsawmzuala 73')

(Penalty Shootout-ah Electric Veng FC 5-4 in an chak)

MoM: Lalmuansanga, Electric Veng FC

Team pahnih te an intluk tawk hle a, first half tan atanga minute minute 4-naah Electric Veng FC tan forward Ramhlunchhunga chuan an hmahruaina a khung chu Chhinga Veng chuan an sut mai thei lo a, first half huntawp dawn minute 2 ala awmin forward Lalrammawia chu foul vangin hnawh chhuah zui ni mahse Electric Veng chuan 1-0 a hmahruaiin chawlhlawk an hmang zui ta a ni.

Second half-ah pawh Electric Veng FC chungnung zawkah tangin goal thun belhna hun tha nei nual mahse goal erawh an khung bekh mai thei bik lo. Chhinga Veng chuan an siphurh sit ngei tumin counter attack-in nawr thin mahse an siphurh an sut mai thei bik lo. An innawr tawn leh zak zak hnuah Chhinga Veng chuan tam zawka khel annihna hmang tangkaiin minute 73-ah Sawmzela freekick tha zet chu box chhunga awm forward MC Malsawmzuala chuan tauh lutin an siphurh a sut ta a ni.

Electric Veng chuan huntawp dawnah hnehna chan theihna hun tha neiin Ramhlunchhunga'n chuan box pawn chiah atanga a shot tha zet chu agoal dawn nia alan laiin goal sirah chiah akal a, Chhinga Veng anhim hram. Huntawp tawp thlenin goal aluh belh tawh lo a, hunpangngaiah 1-1 in an inhneh tawk ta a ni.

Penalty Shootout-in chak zawk zawn zui a ni a, Electric Veng atanga pet K Lalmalsawma chiahin a pet goal lo a, Chhinga Veng atanga pet F Zosangliana leh Silvana R Lalruatkima chuan an pet goal lo thung a, Electric Veng chuan 5-4 in hnehna an chang ta a ni.

Aizawl FC leh Chanmari FC hian December ni 11, Nilaini zan dar 7:30-ah second leg an khel ang a, Final lut a hriat tawh ang.

Copyright © inkhel.com 2024. All rights reserved.