Inrinni zana Las Palmas 2-1 a an hneh tum khan Barcelona forward Lionel Messi chuan a khup a ti hliam palh a, kar 7 atanga kar 8 chhung a chawl dawn niin Barcelona chuan an tarlang.
Hetih lai hian Argentina team doctor Donato Villani chuan Camp Nou-in an sawi ang em ema rei Lionel Messi hi a chawlh a rin loh thu leh Messi a lo enkawl tawh thin danin reilote hnua a lo kir leh vat a rin thu a sawi chhuak a, Donato Villani chuan kar 6 vel a chawlh a rin thu a sawi chhuak.
Heti a nih chuan November thlaa World Cup qualifying an khelh hunin Messi chuan ram tan a khelh hman ngei a rinawm. Heta a khel thei lo a nih pawhin November ni 21-a Bernabeu-a El Clasico match-ah Messi hian Real Madrid a hmachhawn hman ngei a rinawm a ni.