September thlaa Las Palmas an hmachhawn tuma inhliam Messi chu tun inrinni lo awm tura El Clasico-ah a khelh hman a rinawm loh em em laiin a team-mate Adriano chuan a fit hman a rin thu a sawi mauh mai.
Tun weekend hian tun season-a El Clasico hmasa ber Santiago Bernabeu-ah khelh a ni dawn, Messi tel lo pawhin Neymar leh Suarez ten goal khung zel mahse Real Madrid an hmachhawn hunah erawh Messi an mamawh hle dawn tih Adriano chuan a hre chiang a, Messi awm leh awm loh kar a hlat thu a sawi nghe nghe a ni.
"A dam mek zel a, team-a lo kir leh turin theih tawp a chhuah a, kan zinga a tel hian danglamna nasa tak a thlen thin a ni.
"A khelh leh khelh loh kar a hla, a inhliam laiin kan lo inenkawl thei a, hmalam pawh kan pan zel tho. Nitin hian a hlim em em a, Clasico-ah a khel dawn em tih inchawi tur ni ilang chuan kei chuan a khelh ring lamah ka dah ngei ang le," tiin Adriano Mundo Deportivo a hrilh.