Nizan khan english League Cup third round khelh zawh a ni a, nizan inkhelah hian Manchester United chuan mual neitu Northampton Town chu 3-1 in an hneh. United hian a zawna game thum an chak loh hnuah chak result hi an nei ve leh ta a. United tan hian Pogba a khe lo a, a aiah hian tun season a a vawikhat nan carrick chu a inlan a, a khel che lo a minute 17-naah goal hmahruai a khung.
Northampton hian an si phurh hi first half-ah vek hian an sut a penalty atangin Revell chuan minute 42-naah a khung a goal dang luh belh loin first half a tawp zui. Second half-ah United an insiamtha a goal hnih an khung belh a, goal hmasa hi minute 68-naah Herrera chuan a khung a, minute 75-naah Rashford chuan a khung ve leh bawk. Manchester United hian Pogba an lakluh avang hian Carrick leh Herrera tan hian hmun a awm meuh lo a, mahse, Pogba el pha an nihzia pholangin United hi an chakpui a ni.
Manchester city pawhin 2-1 in Swansea khelmualah hnehna an chang a. Manchester city tan hian Clichy chuan second half minute 49-naah goal hmahruai a thun a, minute 67-naah Garcia Serrano chuan city goal hnihna a khung ve leh. City hi 2-0 a an chak mai dawn a alan hnuin goal an chhuah ve leh a minute 90+3-ah Swansea tan Sigurdsson chuan a khung a ni.
Manchester city tan hian hliam vanga thla nga zet chawl tawh Kompany chu a khel a, Kompany hi a inhliam leh a hun tawp hma hret added time-ah substitution pathum an siam tawh avangin ama thuin field hi a chhuahsan a ni.
Inkhel dangah West Ham chuan minute 90+6 a Payet-a goal hmangin Accrington Stanley chu 1-0 in an hneh hram a. Tottenham-in Gillingham 5-0 in an sawp bawk. Tottenham tan hian Eriksen chuan minute 31 leh 48-naah goal a khung. Minute 51-naah penalty atangin Janssen chuan Tottenham goal thumna hi a khung a, goal hnih dang hi Onomah leh Lamela khung a ni, anni hian minute 65 leh 68-ah an khung a ni.
Nizan Results kimchang:
Swansea City 1-2 Man. city
Southampton 2-0 Crystal Palace
West Ham 1-0 Stanley
Stoke city 1-2 Hull city
Northampton 1-3 Man. United
QPR 1-2 Sunderland
Fulham 1-2 Bristol City
Tottenham 5-0 Gillingham
Fourth round a intum tur pawh a hriat leh tawh a. Fourth round-ah hian Manchester United in Manchester City an mikhual dawn a, Liverpool in Tottenham an hmachhawn bawk ang.
Manchester United leh City te hi tun season Premier League-ah an inhmachhawn tawh a, Guardiola nauten hnahna an chang a nih kha. Hemi hnu hian United hian chak result an la nei lo a Europa league leh Premier League game khat ve ve an tlawm hnuah nizan khan harhchhuakin an chak ve leh ta a ni. League Cup-ah hian Mourinho hian a thil tihsualte siamtha tur leh sel tute ka hupna hun remchang a nei dawn a, hei vang hian inkhel boruak a sang anga a hmuhnawm leh hle ang.
Tun season-a kheltha leh game hmuhnawm Liverpool pawhin Tottenham an mikhual dawn. Tottenham hian League cup-a an match hnuhnung ber nizanah Gillingham chu 5-0 ngawtin an sawp a, Liverpool tan hian hmachhawn chakawm zek zek an ni hauh lo ang.
West Ham-in Chelsea an mikhual dawn bawk a, West Ham hian League Cup fourth round lut tur hian Accrington Stanley chu 1-0 in an hneh a. He inkhelah hian West Ham hian minute 96-naah chakna leh goal awmchhun nibawk hi Payet-a'n a khung a ni. Arsenal chuan Premier League club hlui Reading an mikhual dawn bawk a ni.
Fourth Round Full draw:
West Ham v Chelsea
Manchester United v Manchester City
Arsenal v Reading
Liverpool v Tottenham
Bristol City v Hull City
Leeds United v Norwich City
Newcastle v Preston
Southampton v Sunderland
(adsbygoogle = window.adsbygoogle || []).push({});