UFC 278 chu Salt Lake City-a Vivint Arena-ah neih zawh a ni ve leh ta a, main event-ah upset ropui thlengin, UFC-in welterweight champion thar an nei.

Main event-ah hian Leon Edwards chuan Kamaru Usman chu knock out hmangin a hneh a, Edwards hi UFC welterweight champion thar a ni.

Edwards hian bul a tan chhe lo hle a, first round-ah Usman hi take-down in a full-mount zui nghal a, a submit teuh viau nghe nghe. Round khatna hi Edwards-a’n la tih theih mah se, round 2, 3 leh 4 te erawh Usman-a ta an ni chiang thung. Usman hian complete fighter a nihzia a lan tir leh a, vawi eng emaw zat Edwards hi take-down mah se, a tum angin a sawisa lutuk thei lo.

Round 5-naah pawh Usman bawk a chungnung zawk a, chak tur zawk a chiang viau tawh anga a lan laiin, round tawp bera minute tawp berah Edwards hian chiang zetin Usman hi a ke veilamin a head kick a, Usman a thal nghal a, tho leh tur a awm tawh lo. Beisei loh zawk Edwards a chak a, Usman mai bakah combat sports khawvel a barakhaih chiang hle a ni.

Usman-a lallukhum lak tum hian fighter tha tak tak Usman-a hmaah an lo ding tawh a, Colby Covington, Jorge Masvidal leh Gilbert Burns te tih theih loh chu Edwards hian rawn tiin, a zawna Usman vawi 18 a chak tawh chu a tihtawp sak bawk.

Edwards pawh hi Usman laka rinkai lo zawk ni mah se, fighter theuneu lo tak a ni a, kum 2015 December thla atang khan tlawm a la nei leh lova, tunah hian a zawnin vawi 11 a chak a, Nate Diaz, Rafael dos Anjos leh Donald Cerrone te pawh a lo hneh tawh.

Usman hi chak ta se, Khamzat Chimaev-a’n Diaz a hneh ve bawk chuan, Usman leh Khamzat te hi an inhmachhawn tawh a rinawm hman viau a, mahse Usman hi Edwards nen an inhmachhawn nawn leh phawt a rinawm ta si a, Khamzat hi a chak chho zel a nih pawhin, nakkum kum chawhnu lamah bak title fight a neih a rinawm ta vak rih lo a ni.

Co-main event-ah fight hmuhnawm tak kan hmu a, middleweight title challenger lo ni tawh Paulo Costa chuan UFC middleweight champion hlui Luke Rockhold chu unanimous decision-in a hneh a, kum 37 mi Rockhold hian MMA a chawlhsan thu a puang zui bawk.

Co-main event hma chiah hian bantamweight bout-ah UFC featherweight champion hlui Jose Aldo kan hmu a, mahse Aldo hian unanimous decision-in Merab Dvalishvili a hneh lo a ni.

Main-card results:

Welterweight   

Leon Edwards    def.        Kamaru Usman (c)           KO (head kick)   5              4:04 

Middleweight   

Paulo Costa        def.        Luke Rockhold   Decision (unanimous) (30–27, 30–27, 30–27)       3              5:00               

Bantamweight 

Merab Dvalishvili              def.        José Aldo             Decision (unanimous) (29–28, 29–28, 30–27)       3                5:00       

Women's Bantamweight             

Lucie Pudilová   def.        Wu Yanan            TKO (elbows)     2              4:04       

Light Heavyweight         

Tyson Pedro       def.        Harry Hunsucker              TKO (body kick and punches)      1              1:05