Club hotute nen an inkawm hnuin Edin Terzic chuan Borussia Dortmund a chhuahsan ta.

2023-24 Champions League final lut mah se, Dortmund chuan Real Madrid an hneh lo. BVB tan hna tha takin thawk mah se, Edin Terzic chuan chhuah a thlang ta zawk a ni.

"Wembley Stadium-a kan inkhelh zawh khan, club hotute nen inbiakna neih ka rawt.

"BVB-ah hian kum 9 hun ka lo hmang tawh a, he club hian manager thar nen Era thar siam se ka duh a ni.

"Min hrechiangtu te chuan he ka thutlukna hi siam a harsa a ni tih min hriatpui, mahse ngaihdan nghet tak ka nei a, chhuah chu ka tum tlang ta a ni.

"Borussia Dortmund hi duhsakna sang ber ka hlan e, in chungah ka lawm a, kan in hmu leh vat dawn nia," tiin Edin Terzic chuan a sawi.

Kum 2010 leh 2013 inkar khan Edin Terzic hi Dortmund Academy-ah coach a ni a, Besiktas chuan Slaven Bilic-a assistant atan an la.

Bilic hi West Ham lamah a zui zel a, kum 2015 khan Hammmers chuan Bilic an ban a, Edin Terzic pawh Dortmund lamah kir lehin, Lucien Favre assistant a ni.

Favre an ban hnu December 2020 atang khan Terzic chu BVB chuan interim boss atan an ruai a, German Cup final luhpuiin, RB Leipzig an hneh a, an champion.

Kum 2022 khan manager atan lak a ni chhunzawm, 2022-23 season-ah khan an champion teuh hle a, Bayern Munich phak loin pahnihna an ni.