26 Sep 2020 12:35

inkhel

Eastern Conference Game 5-ah Celtics in Heat an hneh

Game li khelh a ni tawh a, game thumah Miami Heat chakin game khatah Celtics an chak ve bawk a, Game 5 hi chak loh chuan Celtics tan puanthuah tel a haw a ngai dawn. Mahse, Celtics player te hian haw mai an tum lo a, game khelh tan phat atangin boruak a tang nghal a. Miami Heat lamin chak ngei tumin bul an tan a, game hmasaa an chet that zawk avangin confidence pawh an nei nasa. Jimmy Butler leh a teammate ten bul tan thain 1st quarter-ah hian 10 points in hma an hruai nghal thei a, Goran Dragic leh Duncan Robinson ten an theihna an pho lang. 18-26 in hma an hruai.

2nd quarter bul tan a ni a, Heat bawk che thain 10 points in hma an hruai leh thei a. Celtics center Enes Kenter lo lutin basket a nei nghal. Heat lamin an hmahruaina tihsan tumin an nawr bawk a, game hmuhnawm tak fans te min hmuhtir. Celtics player ten Goran Dragic an dang hleithei lo. Game 4 a record siam thei Tyler Herro a che hlei thei lo. 1st leh 2nd quarter chu hero to zero kan ti thei ang. 2nd quarter minute 5:15 ah basket hmasa ber a nei thei chauh.

Celtics lam hian game 4 anga chet bawn tir leh kha an tum lo a ni ber. Celtics lam an phur chho, Heat hmaruaina tihniamin points 10 a hmahruaina an pawt hniam chho thei a, mahse 2nd quarter a zawh a, chawlhlawk an hman meuh chuan 60-51 in Heat in hma an hruai leh thei. Mahse, 2nd quarter ah hian Heat aiin Celtics hian points an score hnem zawk.

3rd quarter khelh tan a nih hnu lawka Miami Heat lamin zone defense an hmang leh a, hei hi Heat hian an tihsual lian tak a ni thei ang em? Fans lam comment turin dah ang. Celtics in pawtthlain hma an hruai ve ta. Dragic a khelh that tluan avangin dan theih a ni lo. Mahse, Celtics game a nung thar a, an phur thar, Jayson Tatum, Jaylen Brown, Theis leh Kemba Walker te an dang thei lo. A hun takah Gordon Hayward a lo che ve leh thin bawk nen, player aggressive ve tak Marcus Smart a lo inrawlh ve leh thin bawk, Heat tan tih ngaihna awm lo a ni ber mai. Celtics lam kut a hmui tulh tulh, 3rd quarter tawpah Celtics hian 83-92 in hma an hruai, Celtics defense tha viau mah se Dragic an dang thei chuang lo.

4th quarter ah innawr dun viau mah se offense leh defense a khel tha zawk Celtics an chungnung, Jaylen Brown in back to back 3 points a lut, boruak a sang chho tan. Celtics hmahruaina a sang tulh tulh, Heat tan chuan Game 6 ah hnehna chan tuma rilru siam mai a fel ta zawk. 4th quarter a zawh chuan 108-121 in Celtics in hnehna an chang.

Player Stats:

Celtics:

Jayson Tatum 31pts/10reb/6ast (Double-Double)
Marcus Smart 12pts/8/reb/8ast/4steal
Jaylen Brown 28pts/8reb
Daniel Theis 15pts/13reb/3blocks(Double-Double)
Kemba Walker 15pts/7ast
Gordon Hayward 10pts

Heat:

Goran Dragic 23pts/4reb/4ast
Duncan Robinson 20pts
Jimmy Butler 17pts/8reb/8ast
Bam Adebayo 13pts/8reb/8ast
Jae Crowder 14pts/6reb
Tyler Herro 14pts


Team Pahnih khaikhinna

Heat 45% Celtics 45% FG

Heat 19% Celtics 31% 3pts

Heat 79% Celtics 86% FT

Heat 27 Celtics 29 Assists

Heat 38 Celtics 50 Total Rebounds

Heat 3 Celtics 7 Steals

Heat 12 Celtics 11 Turnovers

Game Hnih khelh tur la awm ah hian chak zawk tur sawi theih ala ni lo.

Game 6 Eastern Conference Final

28/09/20 (Monday) Zing 5:00

SONY SIX

Miami Heat vs Boston Celtics