20 Sep 2020 02:50

Inkhel

Mizo Sports Website hmasa ber

​Eastern Conference Final-ah Boston Celtics an chak ve ta

Game 1 leh 2 a chakzawk tura beisei an nih hnu ah Miami Heat lamin an pawt thla, Celtics tan game 3 ah chakloh a thiang tawh lo. Game 2 an khelh zawh hian Celtics player te locker room lamah an inhnialbuai nasa tih khawthlang chanchinbu lam chuan an chhuah bawk.

Game 3 boruak erawh a dang ta Brad Stevens a nauten chakloh an tum tawh lo. Jayson Tatum Jaylen Brown leh kemba walker Marcus Smart ten an dinhmun hrechiang chung in an khel nghal.

1st Quarter ah pawh hma hruai nghal in bul tan tha zawk an ni. Playoffs game a kan hmuh tam lo inhliam vanga buai Gordon Hayward pawh Court chhungah a in lan leh thei ta. 1st Quarter a zawh hian Celtics hian 31-22 in hma an hruai ani.

2nd Quarter an tan leh a Score Minute 10:47 thleng chu basket an nei thei lo ve ve, Heat lam in tan an khawh Player naupang Tyler Herro in a ze ngai chhuah in a kut a kal tan.Mahse Celtics lam hian chetsual nawn an tum tawh lo an lead na hi tam tak ni lo mah se Heat hian an pawt thla mai thei bik lo. Min 8:10 ah Jason Tatum in technical foul a hmu (Technical foul anih hian free throw vawi 1) Goran Dragic in free throw hmang tangkai in point khat a hlawhchhuak 40-37 chiah in Celtics lam in an lead. Mahse 2nd quarter a zawh chuan 63-50 in celtics hian hma an la hruai a ni.

3rd Quarter khelh tan anih hian celtics lam in turnovers an nei a hei hi Crowder in three points a lo neih phah. Heat lam hian an player tha te kut kal thei lo an tuar, celtics hian points 18 lai in third quarter ah hian hma an hruai hman hial a ni. Jimmy Butler a leh a pawlten tlawm mai erawh an tum chuang lo third quarter a zawh hian celtics hian 89-74 in hma an hruai chhunzawm.

4th Quarter ah celtics lam in basket nei hmasa in bul an tan a, Bam Adebayo in chhang let ve bawk mah se Celtics lam in an score ve zel bawk si a Heat tan hian tan khawh vak hleihtheih ani lo. 4th quarter minute 5:34 ala awm in celtics hian 102-85 in hma an hruai tawh ani. Celtics in chaklo thei ani tawh lo tih hria tan khawh hle mah se Heat lam hian 4th quarter ah hian points an score hnem zawk . 28-32 in Heat hian an score tam zawk a mahse danglamna a thlen zo lo a tawp ah chuan Celtics hian 117-106 in hnehna an chang. Tihian Game thum khelh tawh a 2-1 in Miami Heat in hma an la hruai a, Game Li khelh tur an la nei.

Stats tlangpui

Jayson Tatum 25pts/14reb/8ast

Jaylen Brown 26pts/ 7reb/3steals

Kemba walker 21pts/6reb

Marcus Smart 20pts/6ast

Bam Adebayo 27pts/16reb/3steals

Jimmy Butler 17pts/8reb

Tyler Herro 22pts

Game 1 leh 2 a khel tha Goran Dragic hian 11pts chiah a ne. Duncan Robinson in 13pts chiah a nei bawk.

Team pahnih te hian turnovers an nei tam a Celtics in 14 an neih lai in Heat lam hian 13 an nei thung. Celtics lam in rebounds 50 an lak lai in Heat lam hian 42 an la thung. Heat hian Game 3 ah hian 38% FG an nei Game 1 leh 2 an pha lo a hei hi a chhan pakhat chu Celtics lam defense that vang.

Inkhelh zawh ah hian Kemba Walker chuan "Theihna kan nei a ni tih hi zan in ah hian kan lan tir a ni" a ti. Miami heat lam hi Game 1 ah 14 points laia an chakloh zawk hnuah an pawtthla a chakna an chang a, Game 2 ah 17 points bawk in an hniam leh a an pawt thla leh a chakna an chang leh a Game 3 ah erawh an ti thei ta lo.

Jimmy Butler chuan inkhelh zawhah ti hian a sawi " Kan khel tha tawk lo a, kan inkhelh tan hma a tih tur a kan sawi pakhat mah kan ti thei lo."

Game li khelh tur la awm ah hian chak zawk tur sawi chian theih ala ni lo a. Basketball ngaina tu te chuan nghakhlel tak in Game 4 Thursday zing dar 6:00 a an khelh tur hi i lo chang phawt mai ang.