Mumbai City FC player hlui Sehnaj Singh chuan Kolkata a la chhuahsan mai hrih dawn lo niin a langa, Mohun Bagan in season hmasa I-League an champion theihna kawnga an player pawimawh tak Sehnaj chuan Bagan hmelma East Bengal tan contract a ziak hnai niin Goal chuan a tarlang.
He India international hian Bengal tan a sign a nih chuan Biswajit Bhattacharya enkawl East Bengal club Mohun Bagan atanga zawm thei langsar pahnihna a ni dawna, Bello Rasaq chuan Bagan atang thoin Bengal a lo zawm tawh a ni.
He Punjabi pa hian ISL ah Delhi Dynamos tan a khel dawna, season hmasa I-League ah khan Bagan tan vawi 18 a inlan hmana, a chet that bawk em avangin national team ah te hial hmun a chang chho ta a nih kha.
Sehnaj tih lohvah Kinshuk Debnath, Bello Rasaq leh Pierre Boya te chuan Bagan an lo chhuahsan ve tawh bawk.