​East Bengal-a kir tur Chullova?

12th July 2020, 01:07AM

Mizo player langsar tak zinga tel, Lalramchullova chuan Mohun Bagan-a a contract a hman zawh thu leh, Mohun Bagan-a awm chhunzawm zel a tum loh thu inkhel.com a hrilh a, East Bengal lamah a kir leh hmel hle.

Chullova hi a club hlui East Bengal-ah a kir ngei dawn tih sawi theih a ni lo na a, a kir lehna chance hi 80% vel lai a ni ti ila kan sawisual tamin a rinawm loh.

Kan hriat angin, Mohun Bagan hi ATK nen insuihzawmin ISL lamah an khel tawh dawn a, ATK Mohun Bagan tih a ni tawh dawn. Chullova hian ISL club a contract ziak zawm lovin, season hmasa lama a khelhna East Bengal lam a hawi hmel hle.

Phai lam chanchinbu te chuan Chullova hi East Bengal-a lut tawh angin lo tarlang tawh mahse Chullova hian East Bengal player a la nih loh thu a sawia, tunah hian free-agent a ni mek.

Kum 2017-a Aizawl FC-in beisei loh taka I-League title an lak khan Chullova hi Aizawl player pawimawh a ni a, hemi hnu hian India-a club lian ber pakhat East Bengal a zawm.

East Bengal tan hian season hnih khelin, an player pawimawh a ni chho leha, nikum khan Mohun Bagan panin, kum khat daih contract a ziaka, Bagan-ah erawh duh angin a inkhel tam lo a ni.

Copyright © inkhel.com 2024. All rights reserved.