14 Mar 2018 01:53

inkhel

Dzeko-a'n Chelsea pan duhna a nei lem lo

Manchester City Striker hlui Edin Dzeko chuan tunhnaia Chelsea nen an sawizawm chungchang chhangin English club-a luh a tum lem loh thu a sawi.

Boznia-Herzegovina striker hi tun transfer boruak titi leng velah khan Stamford Bridge a pan dawn niin sawi a tam hle mai a, amaherawhchu tum angin thil a kal ta lo nen, Antonio Conte chuan transfer tawp niah a tum loh deuhin Arsenal striker Olivier Giroud a lei anih kha.

(adsbygoogle = window.adsbygoogle || []).push({});

Roma striker hi club tan a khel chhelo hle a, chutihrualin tunhnaia an game hnuhnung zing ami UCL round of 16 first leg-ah Shakhtar Donetsk 2-1 in an hleh lo a, zaninah second leg an khelh hunah goal thun tumin an nawr a tul dawn.

Edin Dzeko chuan, "Rome khawpuiah hian ka hlim em em a, helai hmuna inkhelh hi nuam ka ti hle a ni. Media te thusawiah ka buai ngai lo a, field chhungah ka rilru tam zawk pek ka duh a ni" tiin SportCentar a hrilh.

"A chang chuan news dik an thehdarh a, a changchuan a diklo te pawh a tel ve thin alawm. Indawrna a awm hmana, Chelsea-in min duh tih ka hriat pawh khan ka lawm hle a ni"

"Heti zawng hi ka sawi theih tawk chu ani mai. Rome-ah hian ka la hlim hle a ni"

Dzeko hian Napoli nena an inhmachhawn khan goal hnih a khung a, tichuan Seria A-a goal 50 khung thei zingah chhiar tel ani ve tawh ang.

Tin, Dzeko hian England-ah (Man City) leh Germany-ah (Wolfburg) goal 50 aia tam alo khung ve ve tawh avangin Europe top league pathuma goal 50 theuh thun tling thei awmchhun a ni.

"Hetiang ang record siam thei hmasa ber ka ni thei hi ka lawm hle a, tunhmain player dangin an la ti ngailo tih pawh ka lo hre lo. League hran theuh ani a, Germany, England leh Italy-ah goal 50 chuang theuh ka thun thei hi ka lawm hle a ni" tiin a sawi a ni.