30 Jun 2019 08:43

inkhel

Dutch Grand Prix-ah Maverick Vinales pakhatna a ni

Maverick Vinales chu MotoGP Dutch Grand Prix-ah pakhatna a ni a, tun season chhunga pakhatna a nih hmasak ber a ni.

Assen-a an intlansiak hma hian Maverick Vinales chu rider standing-ah 11-na a ni a, podium-ah vawi khat chiah a la lawn a, vawi thum chu a tawp thlenga tlan loh a nei tawh bawk a. Netherlands ramah erawh beisei loh takin a che fuh ta hle a, Yamaha bike chu pakhatna a nihpui thei a ni.

Pole position changtu, Petronas Yamaha rider Fabio Quartararo chuan a hma bera awm chu a hmang tangkai ta lo hle a, pathumna a ni a. Quartararo hian vawi thum chu pole position a chang tawh a, intlansiakah pakhatna a la nih phah lo vek thung.

Repsol Honda rider Marc Marquez chu pahnihna niin rider standing-ah a fal chho zel a. Amah hnaih bertu, he intlansiaka palinaa thleng, Ducati rider Andrea Dovizioso aiin point 44 in a sang tawh a ni.

Petronas Yamaha rider Franco Morbidelli chu pangana niin, Ducati rider Danilo Petrucci chu parukna a ni a. LCR Honda rider Cal Crutchlow chu pasarihna niin, pariatnaah hian Suzuki Ecstar rider Joan Mir a awm a, Pramac Racing rider Jack Miller chu pakuana niin, Aprilia Andrea Iannone chu sawmnaah a thleng bawk a ni.

TOP 10
1. Maverick Vinales (Monster Energy Yamaha)
2. Marc Marquez (Repsol Honda) +4.854secs
3. Fabio Quartararo (Petronas Yamaha) +9.738s
4. Andrea Dovizioso (Ducati) +14.147s
5. Franco Morbidelli (Petronas Yamaha) +14.467s
6. Danilo Petrucci (Ducati) +14.794s
7. Cal Crutchlow (LCR Honda) +18.361s
8. Joan Mir (Suzuki Ecstar) +24.268s
9. Jack Miller (Pramac Racing) +26.496s
10. Andrea Iannone (Aprilia) +26.997s

TITLE STANDINGS
Riders

1. Marc Marquez (Repsol Honda) 160
2. Andrea Dovizioso (Ducati) 116 (-44)
3. Danilo Petrucci (Ducati) 108 (-52)
4. Alex Rins (Suzuki Ecstar) 101 (-59)
5. Valentino Rossi (Monster Energy Yamaha) 72 (-88)

Teams
1. Ducati 224
2. Repsol Honda 179 (-45)
3. Monster Energy Yamaha 137 (-87)
4. Suzuki Ecstar 131 (-93)
5. Petronas Yamaha 112 (-112)