28 Jun 2015 07:15

digimalt

​Dutch GP-ah Rossi pakhatna

TT Circuit Assen-ah Italian Rider Valentino Rossi chu pakhatna niin Championship-ah point 10 in hma a hruai fal ta a, kum 36 mi Rossi hian World Championship title vawi 10 na a hnaih ta hle mai.

World Champion ni lai Marc Marquez chu pahnihna niin, Jorge Lorenzo chu pathumna a ni a, Andrea Iannone chu palina niin, Pol Espargaro leh Cal Crutchlow ten an dawt a ni.

Rossi hian GP-a pakhatna hi class hrang hrangah vawi 111 a nihna a ni a, MotoGP-ah erawh vawi 85 a nihna a ni. Dutch GP hmuhnawm takah hian tun hnaia che fuh hleithei lo Marc Marquez a rawn tlan ropui hle a, lap 7 la awmin hmahruaitu Rossi a rawn tlanpel a, Rossi chuan um lehin, lap thum la awmin Marquez hi a rawn tlan pel leh a, a tawp thlengin hma a hruai ta a ni.

He intlansiakah hian sawi neuh neuh a awm a, final lap-ah kawi hnuhnung berah Marquez chuan Rossi a rawn lehpel teuh hle a, chuta an inkhak deuh chu Rossi chu kawng nilovah a tlanchhuak a, mahse kawi a pumpelh, Marquez erawh kawng dik takah tlanin Rossi a fal phah ta a ni.

Rossi chuan kha thil kha kawng short cut tum vanga tlan a nih loh thu leh Marquez-a'n a khak palh vanga tlan chhuak a nih thu a sawi. Hetih lai hian Marc Marquez erawh chuan pakhatna ni ngei tur a nih thu a lo sawi ve mek bawk a. MotoGP race director Webb chuan a hmuhdan a sawi chhuak ve nghe nghe a, Rossi tlan dan a dik thu leh a tawp kawia Marquez khak palh vanga chhuak a nih thu sawiin, kha thil kha chu thleng palh ve mai nia a ngaih thu leh engmah sawisel tur awma a hriat loh thu Webb hian a sawi a ni.

Engvangin nge TT Circuit Assen -a intlansiak hi inrinnia an neih kher ?

Hriat ve mai mai atan, TT Circuit Assen hi Moto GP calendar-a Race Day Inrinni awmchhun a ni a, intlansiak bul tanna leh a tawpna atanga hla vak lovah Biak In a awm a, Pathannia an intlansiak chang hian inkhawm tibuai khawpa bengchheng a nih thin avangin Town Council ten inrinnia tlan nise an ti ta a ni.

Dutch Grand Prix results:

1. Valentino Rossi (Italy) Yamaha 40:54.037

2. Marc Marquez (Spain) Honda 40:55.279

3. Jorge Lorenzo (Spain) Yamaha 41:08.613

4. Andrea Iannone (Italy) Ducati 41:13.146

5. Pol Espargaro (Spain) Yamaha 41:18.305

6. Cal Crutchlow (Britain) Honda 41:18.410

7. Bradley Smith (Britain) Yamaha 41:18.479

8. Dani Pedrosa (Spain) Honda 41:18.693

9. Aleix Espargaro (Spain) Suzuki 41:20.762

10. Maverick Vinales (Spain) Suzuki 41:21.275

11. Danilo Petrucci (Italy) Ducati 41:23.075

12. Andrea Dovizioso (Italy) Ducati 41:23.455

13. Scott Redding (Britain) Honda 41:40.700

14. Yonny Hernandez (Colombia) Ducati 41:43.342

15. Loris Baz (France) Yamaha Forward 41:46.433

MotoGP standings after race eight of 18:

1. Valentino Rossi (Italy) Yamaha 163

2. Jorge Lorenzo (Spain) Yamaha 153

3. Andrea Iannone (Italy) Ducati 107

4. Marc Marquez (Spain) Honda 89

5. Andrea Dovizioso (Italy) Ducati 87

6. Bradley Smith (Britain) Yamaha 77

7. Cal Crutchlow (Britain) Honda 57

8. Pol Espargaro (Spain) Yamaha 56

9. Maverick Vinales (Spain) Suzuki 52

10. Dani Pedrosa (Spain) Honda 47

11. Danilo Petrucci (Italy) Ducati 44

12. Aleix Espargaro (Spain) Suzuki 38

13. Scott Redding (Britain) Honda 30

14. Yonny Hernandez (Colombia) Ducati 28

15. Hector Barbera (Spain) Ducati 16

Photo Credit :MotoGP.com