Dutch GP-ah Marquez a chak ber

02nd July 2018, 01:07AM

Marc Marquez chu Dutch TT ah a chak ber a, tun season chhungin MotoGP-ah chak ber tum 4 a ni tawh.

Marquez hi pahnihna Alex Rins aiin 2.269 seconds chauhin a thleng hmasa a, he intlansiak hmuhnawm takah hian a tawp dawn thlengin an indawt dan tur sawi chian theih a ni meuh lo.

Jorge Lorenzo chuan 10-na atangin bul a tan a, an tlan tan chiah a, pole position atanga tlan tan Marquez dawttu a rawn ni chho a. A tir lampangah Lorenzo hian hun rei tham tak chu hma a hruai zui ngar ngar a, pahnihna hmun inchuhin Marc Marquez, Valentino Rossi, Andrea Divizioso, Alex Rins leh Maverick Vinales te chu an buai hle bawk a.

Lap 15 an tlan a, Ducati rider Dovizioso chuan a team-mate Lorenzo chu a lehpel a, pahnihnaah a awm a. Vinales chu a rawn tlan tha hle a, Dovizioso chu a lehpel leh bawk a. Mahse, a hnuah Marquez leh Dovizioso te chuan Vinales hi an lehpel ve leh a, Marquez chuan lap 6 chauh a awm tawh tihin hma a hruai ve leh thung a.

Lap 26 tlan turah lap 21 an tlan mek a, Turn 9-ah Marquez leh Vinales te chu an kual zau mah mah a, an tlan sual zarah Dovizioso leh Valentino Rossi te chu a hmasa pahnih an nih theih phah a. A kawi hnuhnung berah Rossi chuan Dovizioso a lehpel a, hmahruaitu a ni zuai a.

Hemi zawh lap an tlan leh a, Rossi chu Marquez chuan a rawn lehpel ve leh a, Vinales chu pahnihnaah a tlan zui zel a. Suzuki rider Alex Rins chuan lap hnuhnung berah Vinales hi a lehpel a, pahnihna a ni thei hlauh a, MotoGP khawvela a tawn san ber a la ni.

Vinales chu pathumna niin, Dovizioso chu palinaah a thleng a, a hnungah hian Valentino Rossi chu awmin, Cal Crutchlow chu parukna a ni a. Jorge Lorenzo, Johann Zarco, Alvaro Bautista leh Jack Miller te chu Top 10-ah an lang bawk a ni.

Riders’ championship-ah Marc Marquez hi a la sang ber zel a, amah hnaih bertu Valentino Rossi aiin point 41 in a la sang zawk a ni.

Result
1 Marc Márquez Honda
2 Álex Rins Suzuki
3 Maverick Viñales Yamaha
4 Andrea Dovizioso Ducati
5 Valentino Rossi Yamaha
6 Cal Crutchlow Honda
7 Jorge Lorenzo Ducat
8 Johann Zarco Yamaha
9 Álvaro Bautista Ducati
10 Jack Miller Ducati
11 Andrea Iannone Suzuki
12 Pol Espargaró KTM
13 Aleix Espargaró Aprilia
14 Scott Redding Aprilia
15 Dani Pedrosa Honda
16 Tito Rabat Ducati
17 Bradley Smith KTM
18 Hafizh Syahrin Yamaha
19 Takaaki Nakagami Honda
20 Thomas Lüthi Honda
21 Danilo Petrucci Ducati
22 Xavier Siméon Ducati
23 Karel Abraham Ducati
24 Franco Morbidelli Honda

Riders' standings
1 Marc Marquez 140
2 Valentino Rossi 99
3 Maverick Vinales 93
4 Johann Zarco 81
5 Andrea Dovizioso 79
6 Cal Crutchlow 79
7 Jorge Lorenzo 75
8 Danilo Petrucci 71
9 Andrea Iannone 71
10 Jack Miller 55
11 Alex Rins 53
12 Dani Pedrosa 41
13 Alvaro Bautista 33
14 Pol Espargaro 32
15 Tito Rabat 27
16 Franco Morbidelli 19
17 Hafizh Syahrin 17
18 Aleix Espargaro 16
19 Scott Redding 11
20 Takaaki Nakagami 10
21 Bradley Smith 7
22 Mika Kallio 6
23 Karel Abraham 4
24 Thomas Luthi 0
25 Xavier Simeon 0

Copyright © inkhel.com 2024. All rights reserved.