David Haye chuan Tony Bellow nen an inhnek tur chungchang sawiin, tun ang tluka inpeih hi a la neih ngai loh thu a sawi.
Tun kar tawpah O2 Arena-ah Haye leh Bellow te hi an inhnek dawn a, kum khat kalta khan anni pahnih hi an lo inhmachhawn tawh a, English boxer Haye-a corner lam chuan towel an vawm lut a, Bellew hi a chak phah a ni.
Kum 37-a upa David Haye chuan duhthusama a inpeih tawh thu sawiin, a taksa pawh tum dang zawng aia a buatsaih that thu a sawi a. Bellew nena inhnek tur chuan a inpeih tawh thu sawiin, a chak zawk ngei a beisei thu a sawi bawk.
“Vawiin atan training ka zo leh ta chiah a, Tony Bellew hmachhawn turin ni 5 vel chiah hmabak a awm tawh a, duhthusamin ka taksa pawh a tha tawh a, inhnek tur hian ka inpeih ta khawp mai,” tiin Haye chuan a sawi.
Tony Bellew hi a zawnin a inhnek hnuhnung 9 ah a la chak vek am hei vang hian Haye tan chuan chak tura beih ve fe a ngaih hmel hle a. Haye nen an inhnek tur chungchang an zawhnaah chuan round 8-naah a chak dawn thu a sawi a ni.