Chelsea legend Didier Drogba chu Africa rama khawtlang tana a thawh that avangin Barclays Spirit of the Game Award hlan a ni.

Tanpuina a pek thin nachhan hetiang hian Drogba chuan a sawi.
" Chhungkaw harsa tak atangin ka lo seiliana, khawlaiah pheikhawk bun tur pawh nei lovin thiante nen hnim pawh to ngai lohna hmunah football kan khel ve naw naw thin. Naupang ten hlim hmel an put tluka hmuh nuam hi awmin ka hre lova, tanpui ngaite tanpui min ti chak thin tu a ni."

"Africa ah hian thil tam tak tih ka duha, mi tam zawkte hian tum sang tak tak nei se ka duh a ni. Hrisel leh hlim taka kan awm hian "dream" neih te hi a nuam bik a ni."

Hmanni deuh lawk pawh khan kum 36 a upa Drogba hian charity ball a buatsaiha, Premier League player tam tak ten an telpui nghe nghe a ni. £400,000 lai a thil tihna ah khan a hui thei a, Africa rama zirna leh hriselna in hma a sawn theihna tura a din The Didier Drogba Foundation ah khang a sm hmuh te kha a chhung lut vek dawn a ni.

Sumdawnna leh sponsorship atanga a sum hmuhte pawh he a charity kalpuiah hian a chhung lut vek thin a ni.

Drogba hian African player of the year award vawihnih lai a lo la tawh bawk a ni.