India hmarchhak state-te football inelna sang ber Dr Talimeren Ao (T Ao) Memorial North East Football Championships 2020 chu January ni 25, 2020 (Inrinni) tlai khan Indira Gandhi Stadium, Kohima, Nagaland-ah Group B League round hnuhnung ber Mizoram leh Sikkim inkhelin Mizoram chuan hnehna chang zo lo mahse Group B atangin Sikkim nen semifinal an lut.
Group A-ah Nagaland leh Arunachal Pradesh chuan semifinal an lut ve bawk.
04:30 PM Mizoram 1-2 Sikkim
(P. C. Laldinpuia 46') (Sonam Tshering Bhutia 17', Dawa Sherpa 20')
Inkhel tan a ni a, Mizoram chuan inkhek thunnun zawk mahse Sikkim chuan goal an khung hmasa zawk thung. Minute 17-ah Sikkim tan Sonam Tshering Bhutia chuan goal hmahruai a khung hnuah minute 3 aral leh hmain Dawa Sherpa chuan an goal hnihna a khung zui leh bawk.
Mizoram chuan nawr zuiin an siphurh sutna hun tha nei neinual mahse goal-ah an vanduai a, goal khung lo in hun chanve an hmang zo.
Second half-ah pawh Mizoram bawk chungnung zawkah tangin minute 1 aral hmain Pc Laldinpuia chuan an siphurh a sut then ve bawk. Mizoram chuan nawr zuiin an siphurh sutna hun tha an nei zui nual a, gaol erawh an khung belh mai thei lo. Second half huntawp dawnah Mizoram chuan an siphurh sutna hun tha an neih a hmang tangkai thei lo zui bawk nen Sikkim chuan 2-1 in hnehna an chang zui ta a ni.
Semifinal hi January ni 27, Thawhtanniah kjelh tan tur a ni a, tlai dar 2:00-ah Nagaland leh Mizoram an inkhel ang a, dar 4:30-ah Sikkim leh Arunachal Pradesh an inkhel ang.
Group A-ah Mizoram hian an match hmasa berah Meghalaya 6-0 a anhneh hnuah Assam 4-0 in an hneh leh a, an match hnuhnung berah Sikkim 2-1a hneh lo in point 6 neiin group stage-ah pahnihna ni chungin semifinal an lut a ni. Group B atanga Semifinal lut ve bawk Sikkim hian an match hmasa berah Assam 1-0 a an hneh hnuah Meghalaya nen 1-1 un an in draw a, an match hnuhnung berah Mizoram 2-1 a hnehin point 7 neiin group hmahruaitu ni chungin semifinal an lut.
January 27, 2020 Semifinal fixtures
02:00 PM NAGALAND vs MIZORAM
04:30 PM SIKKIM vs ARUNACHAL PRADESH
3rd - 4th Place 28th January 28, 2020 Fixtures
10:00 AM SEMI FINAL 1 Runner vs SEMI FINAL 2 Runner
January 28, 2020 Final Fixtures
02:00 PM SEMI FINAL 1 Winner vs SEMI FINAL 2 Winner
(adsbygoogle = window.adsbygoogle || []).push({});