01 Jun 2020 12:03

bakteaJr.

Mizo tlangval

Dortmund-in Paderborn an sawp; Sancho a hattrick

Bundesliga inkhelah Borussia Dortmund chuan Benteler-Arena ah Paderborn an tlawha, mikhual lam Dortmund hian 6-1 in hnehna an chang.

Dortmund tan hian English rawlthar Jadon Sancho chuan hattrick a siam a, Thorgan Hazard, Achraf Hakimi leh Marcel Schmelzer-te chuan goal khat theuh an khung bawk. Paderborn goal neih chhun hi Uwe Hunemeier-a’n penalty spot atanga a khung a ni.

Goal khung tu zinga pahnih Sancho leh Hakimi-te chuan tunlai lar em em; USA pawh an buaina ber ni mek Gearge Floyd a hre reng tih an ti langa, an goal thun lawm pahin an kawrhnuai hmaa “Justice for George Floyd” tih inziak chu an ti lang.

Khelh 29-ah Dortmund hian point 61 hlawhchhuak tawhin, pahnihnaah an awm chhunzawm zela, hmahruaitu Bayern Munich chu point 7-in an pha lo. Paderborn hian khelh 29-ah point 19 la hlawhchhuakin, Bundesliga table mawngphahah an awm ve thung.

Goal lut lovin first half tawp mahse second half ah erawh goal a sur a, goal sarih lai a lut. Second half tan atanga minute sawm vel khelh a nihin, Thorgan Hazard chuan Dortmund hma a hruaipuia, minute thum hnu velah Julian Brandt-a pass chu Sancho hian goal-ah a lo chantir.

70mins chuang hret khelh a nihin Paderborn lamin penalty an hlawhchhuaka, Can-a handball avanga an penalty hlawhchhuah chu Hunemeier chuan goal-ah a chan tir. Paderborn-in goal an khung hnu minute khat lekah Sancho chuan Dortmund goal thumna a khung ve leh nghala, Hazard-a pass hmang tangkaiin, Sancho hian mawi takin goal-ah ball a chhuih lut.

85mins-ah Hakimi chuan Dortmund goal lina a khunga, 90mins khelh a nih hma chiahin, Schmelzer chuan hnai set sawt atangin Dortmund goal ngana a khung ve leh. 5-1 in inkhel a tawp dawn emaw tih hnuah Sancho chuan injury time-ah a goal thumna leh Dortmund goal rukna a khunga, 6-1 in inkhel a tawp.

Paderborn 1-6 Borussia Dortmund

(Hunemeier 72’pen) (Hazard 54’, Sancho 57’, 74’, 90+2’, Hakimi 85’, Schmelzer 89’)

Player Ratings

PADERBORN: Zingerle 6, Hunemeier 6, Strodiek 6, Schonlau 6, Dragner 6, Vasiliadis 6, Holtmann 7, Collins 6, Antwi-Adjei 6, Srbeny 6, Mamba 5. Subs: Proger 5, Sabiri n/a, Michel 6, Zolinski 6, Jastrzembski n/a.

DORTMUND: Burki 7, Akanji 7, Hummels 7, Piszczek 7, Hakimi 7, Guerreiro 7, Delaney 7, Can 7, Sancho 9, Hazard 8, Brandt 7. Subs: Reyna 6, Witsel 6, Schmelzer 6, Morey n/a, Balerdi n/a.