​Djokovic hnehin Murray-a'n Italian Open Title a la

16th May 2016, 01:05PM

Rome-ah Andy Murray chuan kum 29 a tlin niah World number one Novak Djokovic hnehin Italian Open title a la.

Final-ah hian Andy Murray hian 6-3 6-3 in hnehna a chang a, clay-ah a vawi khat nan Murray hian Djokovic hi a hneh ta a ni.

World ranking-ah Murray hi pathumnaah a thla thla hman a, mahse Rome-a hnehna a chan tak avang hian pahnihnaah a rawn lawn chho leh ta a ni.

World number one Novak hian Rafael Nadal hnehin final a lut chhova, Madrid Open-a a chak hnuah Rome-ah a dinhmun sawh ngheh a tum laiin Murray a hneh ta lo a ni. Murray hian Novak nen vawi 33 an inhmachhawn atangin vawi 10 hnehna a chang ve ta a ni.

Hmeichhe lamah World number one Serena Williams chuan Madison Keys chu 7-6 (7-5) 6-3 in a hneh a, thla 9 chhungin Serena hian WTA title a lak hmask ber a ni.

Rome-ah hian Serena hi vawi 4 a champion ta a, kar leh lawka tan tawh tur French Open-ah a title humhim turin inbuatsaihna duhthusam a nei ta a ni.

Pictures Credit : Getty, EPA & Reuters

Copyright © inkhel.com 2024. All rights reserved.