ATP Finals London-a khelh mekah world no.1 thar Novak Djokovic chuan world no.1 nih a phu zia lantirin semi final lut hmasa ber a ni.
Serbian player Djokovic hian German mi Alexander Zverev chu 6-4, 6-1 in a hneha, group stage-a khelh khat la awm chungin Djokovic hian semi-final a lut a ni. Group stage match tawp berah kum 31 mi hian Marin Cilic a tum dawn a, Zverev chuan John Isner a tum ve thung ang.
Tun kar tir atanga world no.1 nihna hauhtu Djokovic hi Gustavo Kuerto Group-ah hmahruaitu a ni a, Zverev hian dawtin, Cilic chu pathumnaah a awm a, Isner hi a mawngphahah a awm thung.
Djokovic hian Zverev a hneh bakah Cilic chuan Isner a hneh ve bawk avangin Djokovic hi semi final lut thei a ni a, kum 2015 hnuah a vawikhat nan ATP final luh leh a tum ngawrh hle.
Group pakhat zawk Lleyton Hewitt Group-ah Dominc Thiem leh straight sets-a Roger Federer hnehtu Kei Nishikori-te an intum anga, Federer leh Kevin Anderson-te an intum bawk ang.
Lleyton Hewitt Group-ah hian Kevin Anderson chu hmahruaitu a ni a, Kei Nishikori chuan dawtin, Federer chu pathumnaah a awm a, Thiem a hniam ber a ni.