Serbian Tennis player Novak Djokovic chuan hmeichhe Tennis player-te aia mipa player-te'n hlawh tam zawk an phu tia a sawi avangin ngaihdam a dil.
Mipa Tennis world no 1 Novak Djokovic hian mipa Tennis player-te chuan hmeichhe player te aia sum an thawhchhuah hnem avangin hlawh tam zawk an phu tiin a lo sawi tawh a ni. Djokovic hian a Tennis player pui te mai bakah mipui lam atanga sawiselna a tawk nasa hle.
Djokovic chuan hemi chungchang hi sawiin, "Hmeichhe Tennis player-te rilru tih nat tumna ka nei lo a, ngaihdan dik lo vawrh darh ka tumna lam a ni lo bawk. Infiamna khawvela mipa leh hmeichhia intluktlanna duhtu ka ni.
"Hmeichhe Tennis player-te rilru ka tina a nih chuan ka inthiam lo takzet a ni. An ni nen hian inkungkaihna tha tak kan nei a, a zavai hian ka zah em em vek a ni." tiin.