07 Oct 2019 07:06

inkhel

Djokovic aia sang an la awm lo

Novak Djokovic chu ATP ranking chhuak thar berah lehpel thei an la awm lo a, pakhatna a la nih chhunzawm zel a. World No. 1 hlui Andy Murray pawh a hma aia hmun 200 vela sangah a chho bawk a ni.

Scotsman Andy Murray chu a khel an zai hnuah tennis khawvela a let leh tawh a, China Open quarter final a thleng nghal a, hetah hian champion zui ta Dominic Thiem chu a hneh lo a ni.

A kir lehnaah hian a chet that nghal em avangin kum 32-a upa Andy Murray chu 503 atangin hmun 214 zetin a kaisang a, 289-naah a awm theih phah a. Juan Ignacio Londero chu vawi thum a lo champion tawhna Shanghai Masters first round-ah a hneh thei a nih chuan Top 250 huangah a awm thei ang.

Djokovic chu Tokyo khawpuiah a champion a, hei vang hian kar 271 chhung chu World No. 1 hi a ni ta a, Ivan Lendl aiin kar khatin a chungnung tawh a, a chungah hian Roger Federer (Kar 310) leh Pete Sampras (Kar 286) te chiah an awm tawh a ni.

Serbian star Djokovic hi Shanghai Masters title kawl mektu a ni a, a hma aia fal thei turin champion ngei a tum dawn a. Djokovic hian point 10,365 a hmu mek a, amah hnaih bertu Rafael Nadal chuan point 9,225 hmuin, an inthlauhna hi point 1,140 vel zet a ni.

China Open-a champion Dominic Thiem chu panganaah a awm a, point 4,915 hmuin, a chung chiaha awm Daniil Medvedev chu point 50 chauhin a pha lo tawh a ni.

ATP Rankings (October 7)

1. Novak Djokovic (SRB) 10,365 pts

2. Rafael Nadal (ESP) 9,225

3. Roger Federer (SUI) 7,130

4. Daniil Medvedev (RUS) 4,965

5. Dominic Thiem (AUT) 4,915

6. Alexander Zverev (GER) 4,185

7. Stefanos Tsitsipas (GRE) 3,630

8. Kei Nishikori (JPN) 3,040

9. Karen Khachanov (RUS) 2,945

10. Roberto Bautista (ESP) 2,575

11. Gael Monfils (FRA) 2,375

12. Fabio Fognini (ITA) 2,280

13. Matteo Berrettini (ITA) 2,221

14. David Goffin (BEL) 2,190 (+1)

15. Borna Coric (CRO) 2,130 (-1)

16. Diego Schwartzman (ARG) 1,995

17. John Isner (USA) 1,895 (+2)

18. Kevin Anderson (RSA) 1,780

19. Felix Auger-Aliassime (CAN) 1,719 (+1)

20. Stan Wawrinka (SUI) 1,670 (+1)