Tennis player ropui Novak Djokovic chu COVID-19 a positive tih hmuhchhuah a ni a, tennis player positive hmuhchhuah tharlam ber a ni.

Djokovic hma hian tennis player dang Grigor Dimitrov, Borna Coric leh Viktor Troicki-te chuan coronavirus an kai thu an lo sawi tawha, an vai hian Adria Tour atanga coronavirus kai an nih a rinawm.

Adria Tour hi exhibition match a ni a, mahse hetianga COVID-19 positive an awm tak sup sup avangin Adria Tour hi cancel niin, khelh chhunzawm a ni tawh rih lovang.

Coronavirus avangin February thla atang khan tennis tournament huaihawt a nih tawh loh hnuah Adria Tour hi huaihawt a ni a, mahse an che fuh ta lova, cancel a ngaih phah ta hial.

Zirtawpni khan Djokovic, Dimitrov, Alexander Zverev leh Borna Coric-te chu basketball an khel lai thlalak hmuh tur a awma, an zinga pathum hian coronavirus kaiin, Zverev chuah a fihlim.

Djokovic hian symptoms a nei lova, harsatna in a tlakbuak lem lo a ni.