03 Jul 2020 11:42

bakteaJr.

Mizo tlangval

​Djokovic a negative tawh

Tennis player Novak Djokovic leh a nupui Jelena te chu COVID-19 positive an ni tih hmuhchhuah a nih atanga ni 9 a liam hnuah an negative leh tawh.

Adria Tour an khelh atangin world no.1 Djokovic bakah tennis player dang Grigor Dimitrov, Borna Coric leh Victor Troicki-te chu COVID-19 an positive veka, Djokovic erawh a dam leh tawh.

Djokovic-a team lam chuan thuchhuah siamin, “Novak Djokovic leh a nupui Jelena te chu COVID-19 test-ah an negative a, hei hi an test lak hnuhnung ber Belgrade-ah a lan dan a ni. An pahnih hian symptoms eng mah an nei lova, daktawr-te thurawn anga in test an ni,” an ti.

Aidra Tour hi Djokovic-a huaihawt a ni a, Serbia khawpui Belgrade-a Djokovic-a tennis complex-a khelh niin, player eng emaw zat an fuankhawma, tennis mai bakah basketball te pawh an khel lai thlalak hmuh tur a awm.

Aidra Tour-ah hian player te hian sawrkar dan bawhchhiat an nei lova,Serbia leh Croatia lamah te hian infiammi te tan social distancing kalpui a ngai ve lo.

Djokovic erawh a Tour huaihawt avangin sawisel a ni nasa hle a, a mah ngei pawh hian thupha a chawi tawh a ni.