District Volleyball Championship Spike Off a ni

12th February 2019, 05:02AM

District Volleyball Championship khuhhawnna chu February ni 11, Thawhtanni zan khan CYMA hall Tuikhuahtlangah neih a ni a, khual lian Pu Er. H Lalzirliana, MLA chuan spike off a ni.

District Volleyball Championship hi February ni 12, Thawhlehniah Tuikual North Indoor Stadium-ah khelh tan tur a ni.

He hunah hian sawmbik te bakah MVA hruaitu te, District hruaitu te an kal tha hle. MVA Patron lo ni tawh leh a thih ni thleng pawha MVA Patron la ni reng Er Lalnghinglova Pachuau (Pu Pachuaua) sun na hun hman a ni.

Nl Mary Lalawmpuii Qrg, Committee kaihhruaina hnuaiah hun hlimawm tak hman a ni a, Pi Vardingliani, Org, Member chuan Bible a chhiar a, tawngtaina hun a hman zawh hnuah K. Hminga hnen atangin zai mawi tak ngaihthlak a ni bawk.

Pu Singliana Org, Chairman chuan District Volleyball Championship khuhhawnna hun nei thei tur a, MVA hruaitute inpeknaah lawmawm a tih thu leh Tournament hlawh tlinna tur a mi inphal te an awm zel avang leh club hruaitu leh player te inpekna laawm a tih thu a sawi.

Khual lian Pu Er H Lalzirliana, MLA chuan District Volleyball Championship spike Off hun a hman zawhah thusawi nghalin "Tumruh na a awm phawt chuan mihring tu te pawh hian tih theihloh kan nei lo. MVA hi hun rei tak ata tawh mizo te hmelhriat tawh ani chunga, hmunhma tha sawitur in neihloh te, in rualawh na te ka hriatpui che u a, theihtawp chhuahpui che u hi ka in huam ani" a ti.

Pu David Fanai MVA Vice President leh Technical Chairman ni bawk chuan Fixture leh Technical in hrilhfiah ngai te hrilhfiah na hun a neih zawh in, Kimkiman zain mipui kal khawm a awi leh a, Jimmy Lalbiakdika ADVA Captain chuan DVA aiawh Captain te thutiam (oath taking) a neih puia, lamthiam R&N Dance Crew ten lam mawi takin kalkawm te an ti hlima hum hlimawm tak in khamlo takin hun an khar ta ani

Jimmy Lalbiakdika, ADVA chuan club tin captain theuh ko chhuakin rinawmna thutiam a neih pui hnuah tunlai zaithiam tleirawl leh rawltar ten an duh em em Kimkima hnen atangin zai mawi tak ngaihthlak a nih bakah R&N Dance Crue te lam hmuhnawm tak an entir leh bawk.

District Volleyball Championship-ah hian Mipa District tin atangin team paruk an tel thei a, District team paruk te hi Group A-B ah thenin Group A-ah Lawngtlai DVA, Mamit DVA leh Lunglei DVA te an awm a, Group B-ah Aizawl DVA, Champhai DVA leh Serchhip DVA te an awm thung.

Hmeichhia District panga Aizawl DVA, Mamit DVA, Champhai DVA, Serchhip DVA leh Lawmgtlai DVA te hian inelna an hmachhawn dawn bawk a ni.

February ni 12, Thawhlehni Fixtures
1. Lawngtlai vs Mamit (Men A)
2. Aizawl vs Mamit (Women)
3. Champhai vs Serchhip (Women)
4. Aizawl vs Champhai (Men B)
5. Mamit vs Lawngtlai (Women)
6. Aizawl vs Serchhip (Women)
7. Mamit vs Lunglei (Men A)
8. Champhai vs Lawngtlai (Women)

February ni 13, Nilaini Fixtures
1. Mamit vs Serchhip (Women)
2. Aizawl vs Champhai (Women)
3. Lawngtlai vs Lunglei (Men A)
4. Aizawl vs Serchhip (Men B)
5. Aizawl vs Lawngtlai (Women)
6. Mamit vs Champhai (Women)
7. Serchhip vs Champhai (Men B)
8. Serchhip vs Lawngtlai (Women)

(adsbygoogle = window.adsbygoogle || []).push({});

Copyright © inkhel.com 2024. All rights reserved.