Chelsea leh Liverpool ten an ngaihven em em Benfica winger Nicolas Gaitan chu Manchester United pawhin an zuan ve ta chat mai niin Metro chuan a tarlang.
Abola newspaper phei chuan United hian £21.2million laiin lei an tum thute thlengin an tarlang. Manchester United hian tunkar tir atang khan Gaitan hi an ngaihven thar ve a. Hei hi a chhan chu Argentine winger Di Maria a chhuah dawn vang niin media te chuan an tarlang.
Nicolas Gaitan hi tunlai Europe-a attacker duhawm ber pawl a ni a, kum 27 mi niin ball a thiam em em a, club liante mit a la hle. Argentina ram niin, ram tan vawi 9 a inlan ve tawh a, goal pawh vawi hnih a khung tawh nghe nghe.
5ft8in chauhva sang a ni a, San Martin, Argentina khaw chhuak niin, Boca Juniors atangin a football khawvel a tan a, Boca tan senior level-ah vawi 66 inlanin, goal 12 lai a khung a. 2010 khan Portuguese club Benfica chuan lain, Benfica tan game 127 atangin goal pawh 21 lai a khung tawh a ni.