12 Jun 2019 12:55

bakteaJr.

Mizo tlangval

​Dhawan-a tan World Cup a tawp?

Indian opener Shikhar Dhawan chuan a kutzungpui ruh a ti tliaka, World Cup a khel thei tawh lo maithei.

Dhawan hian India leh Australia intum tum khan century a siam a, India tan chuan a pawi thui viau thei. Australia nen an inkhelh tum hian fast bowler Pat Cummins chuan Dhawan-a kutzungpui hi a vawm fuh palha, a tliak ta a ni.

Left-hand batsman Rishabh Pant chuan Dhawan-a ai hi a awh a rinawm a, Pant hian wicket pawh a veng thei nghal. Kum 21 mi Pant hi Delhi-ah a awm mek a, darkar 48 chhungin London a thlawh thlen beisei a ni.

Indian chanchinbu thenkhat chuan Dhawan hi kar thum chhung vel tal a chawlh a ngai dawn a, July ni 2-a Bangladesh leh India intum hunah erawh a lo kir thei tawh maithei niin an sawi.

Dhawan thlak tu tur Pant hian New Zealand a hmachhawn hman lo maithei a, mahse game pawimawh tak Pakistan nen an intum hunah erawh a khelh ngei a rinawm tawh.

Times of India thudawn danin, Pant hi opener-ah hman ni maithei a, a nih loh pawhin palina vela luh tir a ni dawn a ni.