Borussia Dortmund coach Tomas Tuchel chuan a player thar Ousmane Dembele fakin engkim a tih theih thu a sawi. 

Rennes atanga Dortmund pantu Dembele hi Tuchel chuan sawiselna tur a nei lo a ni ber mai.

Dortmund pre-season game 6 a khelh tawh atanga goal 2 khung thei Dembele hian theihna sang tak a nei tih a hriat a, Manchester United laka a goal thun en chuan hei hi a dik tih kan hria ang.

Dembele chungchang sawiin Tuchel chuan, "A harhvang em em a, a ke pahnih a hmang thiam bawk, hei mai bakah hian ball a khalh thei hle.

"Engkim a ti thei vek mai. A passing a tha a, thiante pet goal tura siamsak thei a ni bawk. Hei mai bakah hian a ball khalh hmang hian kan tumpuite a bum thei bawk. Position hrang hrangah a khel thei bawk a ni," tiin a player thar a fak hle.

Tuchel hian Mario Goetze, Andre Schurrle leh Dortmund captain thar Marco Reus a inkawp tir rin a ni a, Ousmane Dembele leh Emre Mor hi tunlai rawlthar player zinga goal nawr thiam ber pawl an ni bawk. Season thara Dortmund khel a hnuhnawm viau tura ngaih a ni.