Aston Villa leh Manchester City midfiedler hlui Fabian Delph chuan kum 32 mi niin inkhelh a chawlhsan thu a puang.

Season hmasa a zawh rual khan, England international hlui hian Everton-a a contract a hmang zo a, free agent a nih reng hnuah, club thar zawm lovin inkhelh a chawlhsan ta a ni.

Delph hi Leeds United academy chhuak a ni a, kum 2006 khan Leeds-ah hian a professional career bul tanin, kum 2009 khan Aston Villa-in an lalut.

Premier League-ah Delph hian Aston Villa, Manchester City leh Everton tan te game 204 a khel a, City-a a awm chhungin Premier League title pahnih a chawi a ni.

A ram England tan Delph hi vawi 20 a inlan a, kum 2018 khan World Cup squad-ah pawh awmin, he World Cup-ah hian vawi thum a inlan a ni.