December thlaah Joshua a inhnek dawn e

03rd November 2016, 12:11AM

Heavyweight boxer zinga thawm bei lian ber ni mek British boxer Anthony Joshua chu December thlaah a inhnek dawn chiang ta e. Kum 27-a upa IBF heavyweight title kawllai hian Mexican boxer Eric Molina a hmachhawn ang.

Manchester Arena-a a inhnek tur hi IBF title a kawl hnua Joshua-a'n inhnek a hmachhawn vawihnihna tur chiah a ni a, a career-a inhnek a hmachhawn tum 18-na tur a ni bawk ang.

Joshua hian Molina hma hian O2 Arena-ah Dominic Breazeale chu a lo knock out tawh a, a tumpui dangte pawh round 5 khel tling thei anla awm lo. Heavyweight division lamah Joshua tum tawk an awm meuh lo.

Joshua hi heavyweight division a rorel thintu Wladimir Klitschko nen inhnek tur anga sawi thawm awm mahse Klitschko hian WBO title inchuh a duh avangin boxer pahnihte an inhmachhawn theih loh phah a ni.

Joshua chuan a inhnek tur chungchang sawiin, "December 10-a kan inhnek tur tihfel a ni hi ka lawm khawp mai. Tun hnaiah ka boxer hmachhawn leh tur sawi thawm a ri nasa hle a, engkim tihfel a nih tawh avangin tunah chuan ring chhunga ka chet dan tur lamah rilru ka seng thei tawh ang," tiin hnehna chang tura theihtawp a chhuah tur thu a sawi.

Copyright © inkhel.com 2024. All rights reserved.