Manchester United goalkeeper hlui David de Gea chuan Al Nassr zawmna hun tha tak nei mah se, Saudi club hi a hnar niin chanchinbu mite chuan an tarlang.

Al Nassr hian Spanish goalkeeper hi kar khata pound 500,000 hlawh turin an thlem nia tarlan a ni a, De Gea hian Manchester United-a a team mate hlui Cristiano Ronaldo khelhpui lehna hun tha nei mah se, Al Nassr hi a hnar niin a lang.

Nipui bazar lai khan kum 33 mi hian a contract a hman zawh avangin Old Trafford a chhuahsan a, Manchester United atanga a input chhuah hnuah club zawm la nei lovin, tunah hian free agent a ni mek.

De Gea-a’n Al Nassr a hnar chhan ber hi a nipui Edurne-i’n Saudi Arabia lam pan a duh loh vang niin chanchinbu mite chuan an ziak a, De Gea hian eng club nge a zawm dawn sawi thiam a harsa hle.

De Gea hi Manchester United nen pawh sawi zawm a ni leh mek a, United hian short term contract zawrh an tum niin chanchinbu thenkhat chuan an ziak. United first choice keeper Andre Onana chu Cameroon tana a fehchhuahnaah a inhliam a, Onana hi a inhliam na a nih chuan De Gea hi United hian an dawr leh lovang tih a sawi theih loh a ni.