De Bruyne beisei tute zingah Man Utd tel

25th August 2015, 08:08PM

Chelsea midfielder hlui Kevin De Bruyne chuan Wolfsburg a chhuahsan hnai tawh hle niin a langa, Manchester City chu a club zawm leh tur rinkai ber an ni mek.

Bundesliga Player of the Season atana an thlan De Bruyne hi Bayern Munich pawhin an beisei ve meka sawi a nih laiin nizan lawk khan BILD chuan De Bruyne duhtu te zingah Manchester United pawh an tel tiin a ziak ve leh ta.

German chanchinbu dang Sport 1 pawhin United in De Bruyne an beisei thu an ziak ve bawka, transfer window inkhar hnaih tawh lamah Bruyne lakluh tumin tan an khawh chho dawn a ang ta hle.

United hian Chelsea lakah an lak tum Pedro chu an chan tawha, squad thawm that erawh an la tum hle. Kum 24 a upa £60m a an chhiar Belgian winger hi City chuan an hnaih ber hrih mek niin a langa, Manchester United leh Bayern Munich te nen an inchuh chho tak tak dawn nite pawhin a lang ta.

Manchester United chuan he thu hi thu belhchian dawl lo a ni tiin pha mahse German paper Bild chuan City tiam lova De Bruyne ngaihven thartu Premier League club te zinga mi chu United te an ni tiin a ziak tlat lawi si a ni.

Copyright © inkhel.com 2024. All rights reserved.