Hliam avanga a chawlh reng hnuah Manchester City midfielder Kevin de Bruyne chu a lo kir leh hnai ta.

Season hmasa Champions League final-ah khan Belgian midfielder hian a kaiza tha a tihliam a, tun season tan a ni chiah, minute 49 lek a khel hman tihin a hliam ngai bawk a tihliam leh.

Hlawhtling taka zai a ni a, hetih lai hian De Bruyne hian hamstring hliam a neih leh a hlauh thu a sawi chhuak a nih kha. 

City midfielder hian Adu Dhabi GP a chhim a, khami tum khan media ten an kawmnaah a hliam endik a ni a, a tha lam hlir a nih thu a sawi chhuak.

"Ka hliam chu a tha e, mahse hun reilo te nghah leh deuh a la ngai, ka lo kir leh thei tep tawh e.

"Engkim a kaltluan chuan kum thar tir lamah ka lo kir leh thei ang," tiin De Bruyne chuan a sawi.

Kumin chhungin City hian Champions League Group Stage match hnih khelh hmabak an la nei a, Premier League lamah match 6 khelh hmabak an la nei.

Tin, FIFA Club World Cup hi December thlaa khelh a ni dawn a, City hian semi final atangin an khel tan ang a, Mexican club  Leon emaw Japan club Urawa Red Dimonds emaw an hmachhawn ang.

An chak emaw chak lo emaw, final emaw third place emaw hi December ni 22-ah khelh a ni dawn a, Saudi Arabia lamah De Bruyne hi a la inlan thei dawn lo bawk tihna a ni.