David Haye chuan Tony Bellew nen heavyweight rematch an neih tur thu a sawichhuak.
March thla khan anni pahnih hi an inhmachhawn tawh a, WBC cruiserweight world champion Bellew hian a khingpui hi round 11-naah a hneh. Haye khan a kheimitah hliam a tuar a, kha vang kha a duhthusamin a khel thei ta lo, a career-a a tlawm vawi thumna a tawng ta a nih kha.
Haye chuan, "Thla hnih khat chhung inbiakna kan neih hnuah team hnihte Haye-Bellew 2 atan kan inrem ta." tiin a tweet.
An inhnek that hun tur ni leh thla hi an promoter ve ve ten an la sawi chiang lova, report thenkhatin an tarlan dan chuan December ni 17-ah London-a O2 Arena-ah a nih tur thu an sawi.
WBA heavyweight champion lo ni tawh Haye hian Liverpool khawchhuak Bellew nen an inhmachhawn tum khan a keah hliam na tak a tuar a, zai a tawk nghe nghe. Khami hnu khan a trainer Shane McGuigan nen an inthen bawk a ni.