British boxer David Haye chuan tun thla tira Tony Bellew a hneh loh hnuah boxing chawlhsan a rilruk tak tak ta.

London khaw chhuak, kum 37-a upa Haye hian kum 16 zet boxing khawvel a lo luhchilh tawh a, Liverpool boxer a hneh loh khan a hun a liam ta niin a hre ve ta a, chawlh hi a rilruk ve ta a ni.

O2 Arena-a Bellew nen an inhnek khan Haye hian a hneh lo hle a, round 5-ah a chak lo ta nghe nghe a ni.

Haye chuan Twitter-ah, “Tun hnaia min hmangaihna in lantir te, min tantu in nihzia in lantirna zawng zawngah lawmthu ka sawi a ni,” tiin a tarlang a.

“Ka hma lam hun zel tur hi hun rei lo teah puanzar ka tum a, a chang chuan sawi chian theih dan ber tur hi hriatthiam a har ve thin,” tiin a tarlang bawk.

David Haye hian kum 16 chhung khan fight 32 a nei hman a, hengah hian vawi 28 a chak a, vawi 28 a chakah hian 26 chu a knock-out a. Vawi 4 chu a tlawm ve bawk a ni.

Nikum khan Haye hian Bellew hi a lo hneh lo tawh bawk a, hemi tum hian round 11-ah Bellew hi a chak a. Inhnek a chawlhsan chuan boxing promoter nih a rilruk a ni.